Trump presidentearen maila etiko baxua agerian uztea oso erraza da, eta ez da soilik Israeli saldu dion armamentua Israelgo genozidek ondo erabili dutela esateagatik, baizik eta Epstein auzian parte hartzeagatik; izan ere, lekuko batek esan duen bezala, Trumpek adingabekoekin antolatzen zituen jaietan, sexua zegoelako.

Orain, Donald Trumpek esan digu Venezuelako petrolioa Estatu Batuetakoa dela. Galdera da: nondik dator baieztapen bitxi hori? Historia pixka bat eginez, Chavismoa boterera iritsi aurretik, Estatu Batuetako transnazionalek, horien artean Standard-oil delakoak, oso prezio baxuan lortzen zuten petrolioa, adibidez, Gómez presidentearen diktaduran (1908-1935) Venezuelako petrolioa ateratzeagatik lortutako 100 eurotik 92 Estatu Batuetako transnazionalentzat ziren. Ondoren, Carlos Andrés Peréz edo Luis Herrera Campins bezalako presidenteak boterera iritsi zirenean, ez zen egoera aldatu, Gomezek markatutako bideari jarraitu ziotelako. Eta bitartean, beste presidenteren bati petrolioagatiko irabaziek herriarengan eragin handiagoa izan zezaten legeren bat egitea bururatzen bazitzaion iraultzaren bidez, kendu egiten zuten.

Suposatzen dut orain Trumpek esaten duenean Venezuelako petrolioa berea dela, nik uste dut pentsatzen ari dela Chavesek egin zuen legediaren aldaketan eta horrek Estatu Batuetako petrolio enpresetan izan zuen eraginean. Estatu Batuetako hiru petrolio-enpresetatik, Chevronek bakarrik onartu zituen baldintza berriak, Exxon M. eta Conoco P. enpresek ez baitzituzten onartu. 2008an, Chavesek transnazional horien petrolio-espoliazioa amaitu zuenez, Exxon M. petrolio-enpresak Venezuelako gobernua epaiketara eraman zuen. Niretzat arrazoirik gabe, Exxon M. petrolio-enpresa Stardar-Oil petrolio-enpresaren oinordekoa denez, urte asko zeramatzan ia oparitua zen Venezuelako petrolioarekin aberasten. Gauzak horrela egonda, argi geratzen zait Trumpentzat Venezuelako okupazioa negozio bat dela, eta ziur aski ondorio tragikoak ekarriko dituela; beraz, nire ustez, Trumpek Maduro askatu beharko luke eta militarrak Venezuelatik erretiratu beharko lituzke.

Patxi Aznar Bellido