V for Vendettako maskarak debekatu ditu Bahraingo Estatuak

  • Azken urteotan nazioartean protesta sinbolo bilakatu den Guy Fawkesen maskara ezaguna debekatu egin du Bahraingo Industria eta Merkataritza ministro Hassan Fakhrok. Plastikozko maskarak inportatzen edota erabiltzen atzematen dutena atxilotua izan daitekeela iragarri du.

Lide Hernando @lidehernando
2013ko otsailaren 28a
Guy Fawkesen maskara daraman manifestaria Manamako protestetan, Bahraingo hiriburua (argazkia: rt.com)

Azken bi urteetan gorakada izan duen demokraziaren aldeko mugimendua erreprimitzeko neurrietako bat da hau.

Bahraingo irla ez da Persiako Golkoko lehena izan neurri hau hartzen. Arabiako Emirerri Batuetan jada debekatua zuten Guy Fawkesen maskararen erabilera euren egun nazionalean (abenduaren 2a). 2005eko V for Vendetta filmaren arrakastaz geroztik Anonymous protesta taldeak sinbolo bezala hartzeaz gain, maskara hau Udaberri Arabiarreko mugimenduetan ere oso erabilia izan da. Honek bertako gobernuak ernegatu ditu, agintearen aurkako arma sinboliko zuzena izateaz gain, manifestariak anonimatuan uzten laguntzen duelako.

Bahraingo errege-familia sunia da, nahiz herrialdeko populazioaren %75a xiitak izan. 2011ko otsailean, milaka lagunek Manama hiriburua bete zuten, aldaketa demokratikoa eta lehen ministroaren dimisioa eskatzeko. Protesta hasi zenetik, orain bi urte, 82 manifestari hil dira, bederatzi ume tartean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Bahrain  |  Gizartea

Bahrain kanaletik interesatuko zaizu...
2014-09-04 | Judith Perez
600 preso gose greban Bahreinen torturak salatzeko

600 preso inguruk bederatzi egun daramatzate gose greban, Bahreingo Giza Eskubideen Aldeko Zentroak (BCHR sigletan ingelesez) jakinarazi duenez. Presoak Muharraq irlako Dry Dock kartzelan daude eta jasaten dituzten torturak salatzeko hasi dute gose greba.


Eguneraketa berriak daude