Uztailetik aurrera, segurtasun neurri handiekin mugak irekiko dituztela jakinarazi du Pedro Sanchez Espainiako gobernuburuak. Hori horrela Euskal Herria bitan zatitzen duen muga berriz irekita izango da. Turistek koronabirusa sarrarazteko edota biltzeko arriskurik ez dela egongo segurtatu du.

Koronabirusaren izurriteari aurre egiteko itxi zituzten mugak Europako Estatuek eta orain dabiltza poliki-poliki berriz zabaltzen. Adibidez, martxoaren 14an itxi zituen mugak Espainiako Gobernuak. Mugak zerratuak izan arren, hastapenetik irekiak egon dira merkataritzako garraioentzat. Orain, turismoaren beharra da argiki erabakiaren bultzatzaile.

Schengen espazioaren eta beste herrien arteko mugaren zabaltzerik ez da aipatzen oraingoz.