Neumatiko erre usainarekin eta honek eragiten duen ke beltzarekin hasi dute urtea Laudioko (Araba) egur fabrikako beharginek. Hain zuzen, barrikadak egin dituzte Maderas de Llodio enpresako atarian greban dabiltzan langileek, 115 greba egun bete diren honetan.

Iazko irailean jakinarazi zuen zurgintzako Maderas de Llodio S.A. enpresak kaleratze kolektiboak egingo zituela. Komunikatu baten bidez helarazi zuen enpresak, "langileen egonkortasuna arriskuan jar dezaketen beste neurri batzuk" ezartzeko asmoa zuela, beste inolako zehaztasunik eman gabe (fabrikak 151 langile zituen). Egoera horretan iraileko azken astean greba mugagabea hasi zuen langileek. Urriaren 1an Enplegua Erregulatzeko Espedientearen kontsulta epeko bilera zuten Garnica taldeak langileen ordezkariek, baina konpainiako zuzendaritza ez zen agertu eta bere horretan jarraitu zuen grebak.