Udal aktak euskaraz egitea legezkoa da Jaurlaritzak gogoratu duenez

  • Udaletako aktak euskaraz egitea legezkoa da. Hala adierazi du Eusko Jaurlaritzako Hizkuntza Politikako sailburuorde Patxi Baztarrikak Herri Aginteen arteko Koordinazioarako Batzordean (HAKOBA).


2014ko abenduaren 17an - 13:41
Azken eguneraketa: 2014-12-18 09:44:49
Udal aktak euskaraz izatea babesten duen txosten juridikoa eraman du Patxi Baztarrikak HAKOBAren bilerara (irudian, 2013ko batzorde horren bilera bat / iturria: Irekia).

Espainiako Gobernuak EAEn duen ordezkari Carlos Urquijok hainbat udalen aurka jarritako helegiteen ondoren etorri da asteartean egin den HAKOBAren bilera.

Euskarazko aktak babesten dituen txostena

Baztarrikak babesa agertu die Espainiako Gobernu Ordezkaritzara aktak euskara hutsez bidali dituzten udalei. Gainera, txosten juridikoa eraman du bilera horretara eta dokumentu horrek adierazten du udaletako aktak euskaraz egitea legezkoa dela.

Dena den, Udalerri Euskaldunen Mankomunitateak (UEMA) bere webgunean argitaratu duenez, Jaurlaritzak ez du “konpromisorik hartu” Urquijok jarritako helegiteen auzietan pertsonatzeko.

Jaurlaritzari babes handiagoa eskatu dio UEMAk

Jarrera horrekin desados dago UEMA: “Euskararen ofizialtasuna zalantzan jartzen ari direnean, euskararen normalizazioaren eskumen nagusia duen erakundea, Eusko Jaurlaritza, da horren defentsa bururaino eramatea dagokiona”.

Abenduaren 18an aurkeztuko duen udal legean, hizkuntzari dagokion atalean, aktak euskaraz bidal daitezkeela espresuki jasotzea proposatu du EAEko Gobernuak.

UEMA bat dator horrekin, baina uste du Espainiako gobernuaren “erasoaldia” akten auzitik harago doala. Horregatik, Jaurlaritzari eta gainerako administrazioei ekimen legegile bat abiatzeko proposatu die, “euskararen normalizazioan dagozkigun urratsak legalki eman ahal izateko”.


Kanal honetatik interesatuko zaizu: UEMA
EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Hamabi hizkuntzatan banatuko du UEMAK Korrikari buruzko informazioa

23. Korrikaren atarian, udalerri euskaldunetako bizilagun guztiek Korrikaren berri izatea garrantzitsua dela iritzita, diptikoa banatuko du UEMAk hamaika hizkuntzatara itzulita.


2024-03-04 | ARGIA
Udalekuak egingo ditu UEMAk euskaraz bizi diren gazteentzako

Beste urte batez, uda garairako, Salto! udaleku ibiltariak antolatu ditu UEMAk. Udalerri euskaldunetako gazteak elkartuko dira aisialdiaz gozatzeko. UEMAren helburua da “euskaraz bizi diren gazteek inertziatik kontzientziarako saltoa ematea eta horrekin efektu... [+]


Azkoitiko Udala UEMAko kide izango da

EAJren, EH Bilduren eta Azkoitia Bairen aldeko bozkekin hartu dute erabakia. Udalbatza osatzen duten hamazazpi zinegotzietatik hamaseiren aldeko botoa jaso du Udalerri Euskaldunen Mankomunitatera (UEMA) sartzeko eskaerak.


hizkuntza politika auzitegietan
Gaztelaniaren nagusitasuna bermatzeko beste zartako bat

Uliazpi Fundazioa, Laudio, Barakaldo, Irun, Erandio... Edo beste era batera esanda: hizkuntza eskakizunak, Udal Legearen 6.2 artikulua, kontratazioetako klausulak... Sektore publikoaren euskalduntzea urrunegi joan dela esaten ari zaizkigu. Horretara dator oldarraldi judiziala... [+]


Eguneraketa berriak daude