Donostia Europako Kultur Hiriburua izango da aurten eta izendapen horrekin lotutako ekitaldiei hasiera emateko, San Sebastian egunean Europar Batasuneko himnoa ere jo zuten Konstituzio plazan. Han bildutako herritarrek txistuka erantzun zioten.
Bideo honetan ikusi eta entzun daiteke Europar Batasuneko ereserkiaren aurrean plazan bildutakoek izan zuten erreakzioa.
EBrekin mezu kritikoak plazan
Ereserkiak jaso dituen txistuez gain, "Troika go home" zioen pankarta bat ere ikusi zitekeen urtarrilaren 19tik 20rako gauerdian Konstituzio plazan.
Beste hainbat aldarrikapenen lekuko ere izan da San Sebastian egunaren hasiera. Euskal preso politikoen etxeratzea eskatzen duten mezuek leku berezia izan dute.
Azken unean hartutako erabakia
Urtarrilaren hasierara arte ez da argi geratu danborradak ereserki hori jotzeko prest agertuko ziren ala ez.
2015aren hasieran Pablo Berastegui Donostia 2016ko zuzendariak iragarri zuen Kultur Hiriburuko bulegoaren asmoa zela danborradek San Sebastian egunaren aurretik perkusio ikuskizun batean parte hartzea hiriburutza inauguratzeko.
Geroztik joan-etorri asko izan ditu gaiak eta danborradek urte honen hasieran onartu zuten Udalak egindako azken proposamena, EBko himnoa jotzea danborrada bakoitzaren borondatearen esku uzten bukatu duena.
Urteak igaro genituen “Donostia 2016” entzuten. Europako kultur hiriburua, herritarren energia olatua, elkarbizitzaren kultura... Hitz handien atzean, krisiz eta gatazkez betetako prozesua izan zen. Nork ez du oroitzen Odon Elorza eta Juan Karlos Izagirreren arteko... [+]
Atzera begira, inork gutxik uste du 2016ak bere helburu kulturalak bete zituenik. Kontrara, ordutik hona, hiriaren turistifikazio masiboaren erantzuleetako baten moduan ikusten dute askok egitasmoa. Baina zer zioten garaian hiriburutzaren kontrakoek? Izan al du hiriburutzak... [+]
Iazko abenduko egun bat izan zen, larunbat goiza. Ahoz aho zabaldutako informazioari esker izan nuen filmaren proiekzioaren berri eta kulturgune batera joan nintzen, Donostian, gauza handirik jakin gabe: zer ikusiko genuen pantailan, sarrerarik ordaindu behar ote zen, zenbat... [+]
Donostiako Udalak eta Donostia 2016 kultur hiriburuaren zuzendaritzak kalkulatu dute kultur hiriburuak 47,1 milioi euro utzi dituela hiriko ehundura ekonomikoan. Kultur hiriburuaren aurrekontua 46,8 milioi eurokoa zela.
Azkar pasa da Donostia Europako Kultur Hiriburu izan den urtea ezta? Nolanahi, errepasatzen hasita etorkizunean ere zeresana eman dezaketen gaiak plazaratu dira proiektuaren inguruan. Donostia 2016ri begiratu diogu, Donostia 2017tik.