Txikipedia jaio da, haurrentzat egokitutako Wikipedia
8-13 urteko haur eta gazteak helburu dituen txoko berria sortu du Euskarazko Wikipediak. Adin tarte horretako erabiltzaileak entziklopedia askean ia egunero sartzen direla ikusi dute. Ohiko joera, halaber, bilatzen duten materiala ez aurkitzea izaten da, edo dagoena ondo ez ulertzea. Hori konpondu nahi dute.
Vikidian orain arte egondako edukia berrantolatu, hedatu eta hobetu dute proiektua abiatzeko. Dagoeneko 1.000 sarrera ditu proiektuak. Aitzitik, nahiko proiektu ezezaguna dela nabarmendu dute sortzaileek eta behar horretatik abiatzen dela Txikipedia. “Euskal komunitatearen artean arazoak genituen eduki horiek ikusgarri egiteko eta egun ditugun berrikuntza tekniko asko ezin genuen bertsio horretan erabili”.
Gainera, zerbitzariarekin izandako hainbat arazok Vikidia proiektua arriskuan jarri dute. Kezka sortu zela dio Koldo Biguri sortzaileak eta soluzioak ematea beharrezkotzat jo dute. “Hiru arazori egin nahi genien aurre: ikusgarritasunari, arazo teknikoei eta proiektuaren iraunkortasunari. Gauzak horrela, Vikidiarekin edukia Wikipediara fitxa propio batean ekartzea adostu genuen. Horrela, artikulu bakoitzak bi bertsio izan ditzake: orokorra eta umeentzat idatzitakoa”.
Hemen duzue lotura webgune berria miatzeko.
2023ko Wiki Loves Monuments argazki lehiaketako hamabost irabazleak iragarri dituzte. Wikipediaren atzean dagoen Wikimedia Fundazioak urtero antolatzen du eta munduko argazki lehiaketa handiena da. Iaz 46 herrialdetako 4.700 argazkilarik parte hartu zuten, lizentzia libreak... [+]
Wikiflex da Wikipediako Netflix moduko bat. Entziklopedia libre globalaren multimedia atalean, Wikimedia Commons-en, hainbat ikus-entzunezko material daude, eskubidez libre izatera pasatu diren film asko barne. Programatzaile batek, Magnus Manke alemanak, horien... [+]
Euskal Herria airetik... Helikopteroz lehenago eta dronez oraintsuago egindako bideoak ezagutzen ditugu, ETBn saioak egon ziren, gaur egunean sustapen bideoetan ohikoak dira. Baina berritasun interesgarri bat oraingoan: Xabier Cañas wikilariaren eskutik, eta Euskal... [+]
Euskarazko Wikipediak jakinarazi du, Emakume Langilearen Nazioarteko Egunean, emakumezkoen biografien kopuruak 15.000 pertsonen langa gainditu berri duela. Duela urte eta erdi gainditu zen 10.000 emakumezkoen marka, eta hazkundea nabarmena da, baita portzentaian ere; %20tik... [+]