ARGIA.eus

2022ko urtarrilaren 22a

Twitterrek ere datuak saldu dizkio Cambridge Analyticari

  • Facebookek egin bezala, Twitterrek ere erabiltzaileen datuak saldu dizkio aholkularitza enpresa berberari. Hala ziurtatu dio The Telegraphi, baina ezberdintasun batekin: Facebookek ez bezala, txoriaren sare sozialak ez ditu erabiltzaileen datu pertsonalak saldu.

Miren Osa Galdona @Mirentx_U
2018ko maiatzaren 02a

Global Science Research enpresaren esku utzi zituen Mark Zuckerbergen sare sozialak milaka erabiltzaileren datu pertsonalak. Kasuak zalaparta handia sortu zuen sarean dagoen segurtasun faltagatik eta ezbaian jarri zuen Facebooken fidagarritasuna.

Hilabete geroago Twitterrek bide bera erabili duela atera da argitara: 2014ko abenduaren eta 2015ko apirilaren artean Global Science Research enpresari datuak saldu zizkion eta honek Cambridge Analyticaren esku utzi zituen. Azken kasuak ez du aurrekoak izandako oihartzun bera izan, baina sare sozialetan datu pertsonalek duten babesgabetasuna azaleratu dute.

Twitterrek jada publikoak diren datuak baino ez ditu jartzen beste zerbitzu baten esku. Hau da, publikoki dauden txioak eta erabiltzaileek argitaratutako datuak soilik lortu ditzake erosleak. Telefono zenbakia eta helbide pertsonala salbu egongo lirateke negozio horietatik. “Beste zerbitzu batzuek ez bezala, Twitterrek izaera publikoa du eta erabiltzaileek eurek onartzen dute zer egin publiko eta zer ez”, dio Twitterreko bozeramaile batek Mashable atarian.

Facebookek izandako arazoak saihesteko, Cambrigde Analytica iragarkietatik kentzea erabaki du Twitterrek. Euren negozio eredua Cambrigde Analyticarekin ez datorrela bat argudiatu dute.

Kanal honetan artxibatua: Twitter

Twitter kanaletik interesatuko zaizu...
2021-06-16 | ARGIA
Agur Google, kaixo Matomo: zure pribatutasuna babesteko neurri berriak ARGIAn

Gauza jakina da multinazional askok herritarron datuekin negozioa egiten dutela. Horretarako, doan eskaintzen dizkiguten zerbitzuen bidez, batean eta bestean uzten ditugun arrastoak biltzen dituzte etengabe. Gure irakurleen pribatutasuna bermatzeko hiru neurri berri hartu ditugu... [+]


2020-11-25 | ARGIA
'Hodeia ez da existitzen' Iametzaren podcast kanalaren lehen saioa entzungai dago Baleafunk.eus instantzia librean

Teknologiaren gainean eta bereziki teknologia burujabetzaren inguruan arituko den ‘Hodeia ez da existitzen’ kanal berria abiatu du Iametzak. Hori zabaltzeko Baleafunk.eus sortu du, musika eta podcastak entzuteko sare libre eta deszentralizatua.


2020-10-08 | Dabid Martinez
'The (double) social dilemma'

Ados. Horrenbeste input jaso eta gero, The social dilemma ikusi dut asteburuan. Netflix-en. Horra nire lehen dilema.


2020-07-15 | Mikel Eizagirre
Poliziak Black Lives Matter mugimenduaren protestak zelatatu zituen Twitterrekin harremana duen enpresa baten bidez

Erabiltzaileen kokapenen eta jardueren berri jaso dute polizia departamentuek Twitterrekin lotura estua daukan Dataminr enpresari esker.


Twitterren aurka egin ahal izateko agindu exekutiboa sinatu du Donald Trumpek

AEBetako presidenteak, Twitterren 80 milioi jarraitzaile dituena, sare sozialaren aurka egin du. Haren esanetan, Twitterrek zentsuratu egin duelako. Korreo bidezko botoari buruz Trumpek idatzitako txio bat gezurtatu izanak piztu du kalapita. Sare sozialen kudeatzaileek duten... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude