Tubos Reunidosek 115 milioi euroko erreskatea eskatu dio Espainiako Gobernuari

  • Tubos Reunidos enpresak 115 milioi euro eskatu dizkio Espainiako Gobernuari, parte hartzen ari den proiektuen erdia pandemiaren ondorioz galdu ostean. Bere ekoizpena %80 jaitsi da, eta erreskatea eskatzen duen lehen euskal enpresa da.

Artikulu hau CC BY-SA 3.0 lizentziari esker ekarri dugu.

2021eko urtarrilaren 11n - 08:44
Tubos Reunidos enpresako lantegi nagusietako bat Amurrion dago. / Google maps.

Iaz Espainiako Gobernuak martxan jarritako Enpresa Estrategikoen Kaudimenari Laguntzeko Funtsari erreskatea eskatu dion lehen euskal enpresa bihurtu da Tubos Reunidos talde arabarra; baita burtsan kotizatzen duen lehen enpresa ere.

Izan ere, 115 milioi euroko mailegua eskatu du, bi tartetan: alde batetik, parte-hartzailea, 100 milioi euro ingurukoa, eta, bestetik, arrunta, gainerako 15 milioi euroena. Erreskatearen helburua enpresaren 2021-2024 Plan Estrategikoan zehaztutako helburuak betetzea izango da.

Enpresak argudiatu duenez, pandemiaren ondorioz, hitzartutako proiektuen %50 baino gehiago aldi baterako gelditu dira, baita proiektuen helmugako herrialdeetako kontratazio berriak ere; azken horietara bideratzen du ekoizpenaren %80 baino gehiago.

Enpresa estrategikoa

Tubos Reunidos taldeak Amurrion (Araba) eta Trapagaranen (Bizkaia) ditu lantegi nagusiak; 1.400 langile inguru daude bi planta horietan. Gainera, beste lantegi bat du Langraiz Okan, TRPT, premium hodietan espezializatua.

Hala ere, galerak izan ditu 2015etik, eta, 2020ari dagokionez, irailera arte 59,3 milioi euroko galerak pilatu ditu. Une honetan, jardueraren beherakada dela eta, ABLEE egoeran daude; 686 langileri eragiten dien bigarren espedientea azaroaren 1ean sartu zen indarrean, eta zortzi hilabeteko iraupena izango du. Dena den, Francisco Irazusta enpresako presidenteak argitu du ez dutela langileak kaleratzeko asmorik. 

Enpresa estrategikoa dela azpimarratu du zuzendaritzak "enpleguaren traktore gisa eredu jasangarriago eta digitalago baterantz, eta merkatu estrategiko berrietan presentzia izanik". Horrez gain, trantsizio energetikoko industria proiektuetarako "giltzarri" bezala aurkeztu du bere burua.

Funtsaren laguntzak eskatzen dituzten enpresek bideragarritasun-plan bat aurkeztu behar dute, eta pandemiaren aurretik kaudimendunak zirela frogatu behar dute. Hortaz, Estatuak SEPIren bitartez ikuskatuko du enpresa.


Kanal honetatik interesatuko zaizu: Ekonomia krisia
Europako Banku Zentralak "erreforma estrukturalak" iragarri ditu, defentsarako gastuei aurre egiteko

Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".


Analisia
Erreforma fiskala, oraingoz ezta ere

Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]


2024ko europa neoliberalak, Schäubleren politika austerizida du ipar

Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]


Bizitzaren garestitzeak etenik ez: argindarra, gasa, udal zergak eta autobideak, garestiago

Hego Euskal Herrian, egun indarrean dagoen neurri mesedegarri batek soilik jarraituko du aplikatzen, gutxienez ekainera arte: oinarrizko elikagaiei BEZik ez ordaintzea.


Austeritate politikak
Hau 2024 urtea da: ongi etorri Europa neoliberalaren "normaltasunera"

Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]


Eguneraketa berriak daude