TS Fundicioneseko langile ohiek salatu dutenez, 2014an itxitako enpresaren jabeetako batek bere oraingo enpresaren hornitzaile bat behartu du TSko langile ohi bat kaleratzera, harekin lan egiteari uztearen mehatxupean.
2014an Zestoako TS Fundiciones enpresa itxi zuten, langileak kalean utzita. Bi urte geroago, iazko martxoan, fabrika berriz ireki zuten, GRI Castings enpresarekin. Langileetako batzuk berriro kontratatu zituzten, baina beste asko langabezian geratu ziren, prentsa oharrean azaldu dutenez.
Orain, itxieratik hiru urtera, “diskriminazioak eta mehatxuak” jasotzen jarraitzen dutela salatu dute langile ohiek. “TS Fundicionesen jabeak tailer batzuei presioa egiten ari dira, enpresako langile ohiak ez kontratatzeko”, azaldu dute. “Gogorarazi nahi dugu gu kalera bota gintuztenek hornitzaileekin, udalekin eta langileekin zorrak utzi zituzten arren, ez dutela inolako erantzukizunik edo ondoriorik jasan”.
“Lanpostu duin baten alde eta mehatxu eta diskriminazioen aurka” lanean jarraituko dutela ziurtatu dute. Datozen asteetan gertatutakoa salatzeko kanpaina bat abian jarriko dute.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.