Tafallako alkatea inputatu dute presoen eta iheslarien aldeko pankarta bategatik
Herriko festetan udaletxeko balkoian zintzilik zegoen pankartarekin “terrorismoa goratzea” leporatu diote Tafallako alkate Arturo Goldarazenari (EH Bildu). Auzitegi Nagusian deklaratu beharko du urriaren 14an.
Goldarazena “agintari gorena” izanagatik, udaletxe aurrealdean pankarta jartzen utzi izana leporatu diote. Abuztuaren 14an, festetako txupinazoan, “Preso eta iheslari politikoak Etxera” zioen pankarta zegoen zintzilikatuta. Juan Pablo Gonzalez auzitegiko titularrak Fiskaltzak jarritako salaketa aztertzeko beharra ikusi du, “arau-hauste penala” egon daitekeelako tartean, bere ustez.
Aurreko urteetan pankarta bera, ondoriorik gabe
EH Bilduk salatu du azken urteetan antzeko pankartak jarri direla udaletxean festetako txupinazoan, eta inoiz ez dutela alkaterik inputatu horregatik. Azken hiru urteetan, UPNren udal gobernua indarrean zela, aurtengoaren pankarta ia berdina egon da zintzilikatuta, bere esanetan. Koalizioak salatu du “auzitegiak alkatetzaren kolorearen arabera jokatzen” duela.
@ehbildu ko @arturogolda alkatea inputatu dute. Aldaketaren gobernuei eraso egin nahi diete. #koherentzia #tafalla pic.twitter.com/pQopaM2Pev
— EH bildu tafalla (@bildutafalla) September 17, 2015
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.