ARGIA.eus

2022ko urriaren 01a

Sistema punitibista zertarako?

2022ko abuztuaren 03a

Hementxe dihardugu egunerokoan sexu erasoei aurre egiten, non, horietako batzuk jai girokoak diren. Ez da batere fina jaiak aske bizi ezin izatea baina horrek ez du esan nahi kikilduta bat eskuak gurutzatuta geratuko denik.

Hitz hauek, ekintzetan bilakatu dira aurtengo Santio jaietan Billabonan. Festak aske bizitzerik ez dugu izan baina hortxe egon gara mugimendu feministatik haratago, herri oso bat sexu erasoei erantzunaz. Bizipen desberdinak egon dira eta hor herritarrok, autodefentsa feminista mahaigaineratuz, elkarlanean aritu gara. Erasoa jasan dutenei babesa ematea izan da lehentasuna eta horretan jarraitzen dugu.

Argi dago eskuartean dugun justizia administrazioak ez garamatzala inora. Ohiturei jarraiki, Billabonako jaietan egondako sexu eraso baten kasuan atxiloketak egon ziren eta astelehenean epaile aurretik pasa, eta libre dira. Urteak daramatzagu hau bizitzen eta instituzioen partetik ez ditugu aldaketak ikusten. Hainbat egoeren aurrean herritarrok nola jokatu behar dugun ari dira kaleratzen gobernu desberdinetatik baina ez dugu ikusten beraiek nola jokatu behar duten lantzen ari direnik. Esaterako, Eusko Jaurlaritzak Indarkeria Matxistaren aurkako Gidari sumisio kimikoei buruzko atal bat gehitu dio baina ez dute inondik inora Hezkuntzan Sexu Heziketari buruzko inongo ikasgai berririk gehitzen. Zer dela eta, bizi dugun sistema penalak inora ez garamatzala jakinda, ez dira beste hainbat bide irekitzen?

Guk ez dugu inondik inora sistema punitiboan sinesten eta espetxe-sistema ez dugu lehenesten; guk Billabonako festetan zein beste edozein momentutan gertatzen diren sexu erasoak berriz ere gerta ez daitezen bideak irekitzea lehenesten dugu. Horretarako, erasoei aurre egiten jarraituko dugu eta hor izango gaituzte erasotzaileek ez ditugula ez hemen ez inon nahi aldarrikatzen; hor jarraituko dugu bizi dugun sistema heteropatriarkal kapitalista eraisteko borrokatzen. Emakumeok* etxean nahi gaituzte baina ez dute lortuko!

* Lurgatz talde feministaren izenean: Maite Ortiz Garzia, Amagoia Eskudero Larrañaga, Puli Olano Balerdi, Susana Carretero Viera, Arantxa Sorondo Bidaor

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.

Kanal honetan artxibatua: Iritzia

Iritzia kanaletik interesatuko zaizu...
2022-10-02 | Diana Franco
Teknologia
Inork ez du ezer banaka sortzen

Askotan sortze prozesuan bakardadea beharrezkoa da; lasai pentsatzeko astia norbere buruan dauden ideiak antolatu eta egiteko denbora bilatzen dugu. Gai hau, bakardadearena, beti izan da niretzat buruhauste bat, oso gogoko dut bakardadean egotea batzuetan, baina gizartean... [+]


Materialismo histerikoa
Mugituz

Dotore jantzita zegoen, autobus geltokian eserita, eskuak makuluan jarrita, ile urdina bilduta, hutsari begira. Han zegoen iritsi nintzenean. Ez zion ordulariari behin ere begiratu. Emeki altxatu zen, ordubete geroago (lehen ordu erdi litzateke), autobusa iritsi zenean, eta... [+]


2022-10-02 | David Bou
"Botiflers"

Udak bide eman dio udazkenari eta, beste urte batez, Katalunian ikasturte politikoa berriro hasi da Irailaren 11ko ospakizunekin. Printzerriko Diada Nazionalak, paradoxikoki, porrot bat ospatzen du: Bartzelonaren gaineko hamalau hilabeteko setioaren ondoren, 1714an tropa... [+]


2022-10-02 | Tere Maldonado
Infantilizazioa

Eskola ez da etxea ez familia, baina haiengandik kontzeptualki hurbilago dago institutua baino, eta hau gehiago unibertsitatea baino. Azken honetan familiek ez dute zer esanik ikasketa prozesuaz. Institutuan zeresan handiagoa dute (gauza bera ez bada ere DBHko lehen maila eta... [+]


Merezi dugun eskola

Etsipenez, beste behin ere, utzi diot gaiaz informazioa irakurtzeari. Bataila galdu (zein irabazi) batetik bueltan datorren astoa bezala noa nire kortara. Ni galtzaileen bandokoa: Euskal Eskola Publikokoa. Baina irabazleen bandoko astoak irabazi al du? Nago denok galdu... [+]



Irakurrienak
Argia buletina
Egunaren laburpena
zure e-postan
Eguneraketa berriak daude