Ikastolen bigarren danborrada abiatu da Miarritzeko hondartzan, arratsaldeko 15:30etan. Ibilbidea hondartzan hasi eta Ste Eugénie plazan amaituko da. Arrazoia: Hezkunde Ministerioak bost lan-postu besterik ez baitu onartu datorren ikasturterako.
Seaskako ikasleek baldintza desegokietan jarraitu beharko dute heldu den ikasturtean. Ikastolen federazioaren zuzendaritzak, gutxienez 30 postu gehiago behar dituela dio.
Amaitzear den ikasturtean, Lehen eta Bigarren mailetan ikasle kopurua emendatuz joan da gela bakoitzean, 30 eta 40 ikasleko gelak osatzeraino. Aurten berriz ere borrokatzea deliberatu dute beren helburuak betetzeko, 2019/2020 ikasturtea 30 posturekin antolatzeko
Berriki, Blanquer eta Gourault ministroek adierazpen ezin mingarriagoak egin dituzte. Seaskako arduradunek erran berri dutenez, “ministro horien helburua murgiltze eredua suntsitzea da”. Ez soilik ikastoletan, baita eskola publiko, pribatu edo edozein hezkuntza elkartean ere.
G7 goi-bileraren karietara Emmanuel Macron presidentea Miarritzen izan zen iragan astean. Alta, bada, “murgiltze eredua babesteko xedea duela” adierazi zuen. Hartara, Macron ibili zen tokietan bigarren danborrada antolatzea deliberatu dute, baita bere hitzak oroitarazi ere
Ekainaren 7an 15.30tatik goiti, danbor hotsak entzunen dira Miarritzetik Pariseraino.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.