Lekeitioko Kale Antzerki Jaialdiaren baitan, Sarritsasoa ikuskizuna eskainiko du Donostiako Dantzaz konpainiak, uztailaren 8an eta 9an. Bi egun horietan baino ez da antzeztuko Sarrionandiaren poemak oinarri dituen emanaldia. Lekeitioko Isuntza hondartzan, itsasoz helduko dira dantzariak eta itsasertzean eszenaratuko dute tragedia. Josu Mujikak zuzenduko du ikuskizuna eta Ruper Ordorika, Mikel Laboa, Audience, Ken Zazpi, Jabier Muguruza eta Deabruak Teilatuan taldeak egindako musikarekin osatuko da.