Sarek larunbateko ekintzen egitaraua aurkeztu du

  • Ekintzarik nagusiena arratsaldeko 17:30ean La Casillatik irtengo den manifestazioa izango da. Elkarrekin aurrera egiteko prest gaude izango da aurtengo leloa, eta hiru helburu zehatz edukiko ditu: giza eskubideak, konponbidea eta bakea.

Uriola.eus @uriolaeus
2018ko urtarrilaren 11

Urtebete igaro da jada Sarek deitutako iazko manifestazioan Bilboko kaleak bete zituztenetik. Ordutik, presoen egoerak berdin jarraitzen duela adierazi dute. Hala ere, bi alderdi azpimarratu dituzte: Iruñea eta Gasteizko parlamentuetan gertatutakoa. Bertan, espetxe politikaren aldaketa eta larriki gaixorik diren presoen askatasuna eskatzeko iniziatibak onartu ziren. Bertako alderdi politiko guztiek onartutako iniziatibak izan ziren, PP eta UPN izan ezik, horiek soilik geratu ziren indar metaketa horretatik kanpo.

Horrez gain, euskal sindikalgintzako eremu osoak ere bat egin du iniziatibarekin. Beraz, aurrerapauso garrantzitsuak eman direla adierazi dute gaurko deialdian. Bestalde, iparraldean gauzatu zen ETAren armagabetzea da Sarerentzako bigarren gertaera garrantzitsuena. Izan ere, gertaera hori iparraldeko alderdi guztien babesarekin lortu zen, eskuin zein ezkerreko alderdien laguntzarekin.

Hori dela eta, larunbat honetan burutuko duten manifestazioak ere, bide horretan lagundu behar duela adierazi dute. Gasteiz zein Iruñeko adostasunetatik abiatuz Paris eta Madrilen eragin ahal izateko ezinbesteko urratsatzat ikusten dute. Urrunketa politikaren ondorioak oso larriak direla esan dute. Euren senideak 40 minutuz bisitatu ahal izateko egiten dituzten kilometroak kontuan izanik, senideek munduari buelta eta erdi emateko aukera izango luketela aitortu dute (63.000 km inguru).

Espetxe politika honengatik, “motxiladun umeek” euren haurtzaro zein gaztaroa baldintzaturik dute, asteburuetan ehunka kilometro egin behar baitituzte aita, ama edo biak ordu jakin batez ikusi ahal izateko. Horregatik pasadan astean kolektibo hau manifestazioarekin bat egin zuen.

Larunbatean ozenki salatuko dute, espainiar estatuak zigorren batuketak ez aplikatzearren, beraien zigorra bete eta gero kartzelan jarraitzen duten presoak gehiago direla. Gogoan izango dute larriki gaixorik dauden presoak. Euren bizia lau horma horien artean galtzen ari diren presoak direla adirazi dute, gaixotasun sendaezinak izanik ere, kartzelan mantentzen dituztelako, beraien etxekoengandik urrun eta ia kasu guztietan artatzeko aukerarik ere eman gabe.

Beraien ustez, egoera hau urte betez mantentzea ezinezkoa da, arindu beharreko zama da. Horregatik, larunbatean Bilboko kaleak jendez betetzeko deia egin dute: “izan dadila urte bete gehiago, urte bat gutxiago geratzeko”. Leloa, lehen aipatu bezala, Elkarrekin aurrera egiteko prest gaude, izango da helburu zehatz baten baitan elkartutakoa: giza eskubideak, konponbidea eta bakea.

Saretik mobilizazio honen garrantzia azpimarratu du. Ahalegin kolektibo honek aurrera egiteko balio dezan nahi dute. Euren gotorlekuetan daudenak mugiarazteko, espainiar zein frantziar estatuei egoera honen amaiera exijitzeko, eta elkarbizitza baterantz abiatzea posible dela irudikatzeko. Helburutzat hori izanik, elkartzeko deialdia zabaldu dute eta egun horretan egingo diren ekintzak azaldu dituzte.

Egitaraua

Aurten badira zenbait berrikuntza: goizean goizetik ekintza desberdinak egongo dira; kulturalak, sozialak, musikalak, eta aldarrikapenez josiak.

11:00etan lehen deklarazioak La Bolsan.

11:30ean mahai ingurua izango da, La Bolsan: “gizarte zibilaren parte hartzea gatazka ezberdinen konponbidean”. Moderatzailea: Pili Kaltzada. Parte hartzaileak: David Fernandez, Catalunya; Mario H.Calixto, Colombia; Anaiz Funosa, Ipar Euskal Herria; Joseba Azkarraga, Sare.

Goizetik bestalde, Areatzako gunetik abiatu eta Bilboko alde zaharreko kaleetan zehar, txistulariak, trikitilariak, batukada eta SARE Kantari.

12:30.- Areatzako gunean, Porrotxen ikuskizuna egongo da. Umeentzako ikuskizuna izango da, eta emanaldiaren hasiera kartzelan dauden Xua, Haitz eta Izar txikientzako argazki herrikoi bat ateratzeko baliatuko dugu.

13:30.- Areatzan ere, Bertso saioa: Oihana Bartra; Miren Amuriza; Beñat Gaztelumendi eta Amets Arzallus bertsolariekin.

15:00.- Kepa Junkera eta Sorginak.

Uneoro Areatzan jateko eta edateko aukera emango dute. Ondoren, 16:30ak aldera La Casillarantz abiatuko dira, 17:30ean hasiera emango baitzaio manifestazioari. Eta amaitu bezain laster, Areatzan berriro ere bi kontzertuz gozatzeko aukera izango da: “Anita Parker” eta Tximeleta.

Manifestazioa 17:30ean hasiko da La Casillatik, ohiko ibilbidea egin ondoren Bilboko Udaletxean amaituko da.

Antolakuntzan 600 bolondres baino gehiago arituko dira. Aurreko urteetan bezala, diru laguntza biltzen petodun bolondresak egongo dira; petoak horiak eta Sareren logoa daramatenak izango dira, eta eramango dituzten poltsak beltzak, izendatuak, eta logo berbera dutenak izango dira. Jasotako diru laguntza mobilizazio honen gastuei aurre egiteko erabiliko dute.

Albistea hau Bilboko Uriolak argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Euskal preso politikoak kanaletik interesatuko zaizu...
2018-10-17 | ARGIA
Karlos Apeztegia kartzelaratzeko agindu du Espainiako Auzitegi Nazionalak

Etxerat euskal presoen senide eta lagunen elkarteak Hernanin duen bulegoan egiten du lan Karlos Apeztegiak. Asteartean bertatik atera zenean atxilotu zuen Guardia Zibilak eta asteazken goizean, espetxeratzeko agindua eman du Espainiako Auzitegi Nazionaleko epaileak, "erakunde terroristako kide" izatea leporatuta.


2018-10-12 | ARGIA
Onintza Ostolaza abokatua: Espainiako epaileek zergatik ukatzen diete 2. gradua presoei?

2018ko uztailetik EZEZ Espetxe Zaintzako Epaitegi Zentralak gradu aldaketa lortzeko euskal presoek egindako ziento erdi eskaeratik gehienei ezezko ebazpenez erantzun die. Bi kasutan soilik onartu du presoak bigarren gradura igarotzea. Etxerat elkarteak gaia salatu eta erabakiok presoei eragindako kalteez gain senideengan dauzkaten ondorioak nabarmentzearekin batera, Onintza Ostolaza abokatuak gaiak epaitegietan daraman bidearen balantzea egin du.


2018-10-12 | Joxe Aldasoro
Iritzia
Hodei Ijurko, hamar urte eta gero

Hamar urte eta gero Hodei Ijurko atxilotu, jipoitu, ehunka kilometrotara espetxeratu, isolatu, berriz jipoitu, epaitu eta zigortu egin zutenen arrastorik ez. Hamar urtez terrorista, demokraziaren etsai, bortitz, totalitario, fanatiko deituz bere izena zikindu dutenen usainik ez. Zerriak!


2018-10-11 | Ahotsa.info
Euskal presoen urrunketarekin amaitzeko gizartearen aktibazioa eskatu dute datorren urriko 20ko mobilizazioaren atarian

Orain Presoak dinamikaren bultzatzaileek Nafarroako euskal presoen senideekin batera agerraldi bat eskeini dute gaur Iruñeko espetxearen aurrean urrunketa politika salatzeko eta nafar gizarteari datorren urriaren 20an Donostian egingo den manifestazioan parte hartzeko deia luzatzeko.


2018-10-11 | ARGIA
Presoei gradu aldaketa ukatzeko argudioak gezurtatu ditu Foro Sozialak

Azken hiru hilabeteetan 46 euskal presok graduz aldatzeko egindako eskaeretatik 44 atzera bota ditu Espainiako Espetxe Zaintzako Epaitegiak, ETA desegin bazen ere, "estrategiara hartara bueltatu nahi dutelako talde batzuek", beste arrazoi batzuren artean. Foro Sozialak argudio horiek kritikatu ditu.


2018-09-28 | Nahia Ibarzabal
Jesus Loza: "Espetxe politika lehentasunetako bat da eta norabidea birbideratu behar zaio"

Espainiako Gobernuaren EAEko ordezkari Jesus Loza elkarrizketatu du Enekoitz Esnaola Berriako kazetariak. Euskal Preso politikoak pairatzen ari diren espetxe politikaz mintzatu dira: gradu aldaketaz eta hurbilketaz, besteak beste.


2018-09-25 | Hiruka .eus
Presoen aldeko ekimenak 400 pertsona baino gehiago batu zituen Uribe Kostan

Uribe Kostako errepresaliatu politikoen aldeko mobilizazioan parte hartu zuten atzo, domekan, 425 lagun inguruk, Kalera Kalera ekimenaren esanetan. “Garaia da gatazkaren konponbidean urratsak emateko eta, ondorioz, errepresaliatu guztiak etxera bueltatzeko”, adierazi zuten.


2018-09-24 | ARGIA
"Biktimekiko artikulu iraingarria" argitaratzeagatik 1.243 euroko isuna jaso du Judimendiko Auzo Elkarteak

Elkarteak 1.243 euro itzuli beharko dizkio Gasteizko Udalari astelehen honetan udalak erabaki duenez, elkarteak bere aldizkarian auzoko hiru presori buruzko artikulua argitaratzeagatik, eta udalaren esanetan “terrorismoaren biktimentzat iraingarria" zelako.


Espetxetik atera da Hodei Ijurko hamar urteren ostean

Galiziako A Lamako espetxean izan da azken urteotan preso. Hamar urte eman ditu giltzapean kale borrokako ekintza zenbait egozten zizkiotelako. Iturramakoa da Ijurko eta harreman estua du baita Etxarri Aranatzekin ere.


2018-09-11 | Nahia Ibarzabal
Arrasateko Elkartasun Eguna larunbatean ospatuko dute

Euskal preso, errefuxiatu eta iheslarien aldeko eguna egingo dute arrasatearrek larunbatean. Etxian nahi ditugu eta kitto lelopean aldarrikapenak eta festa giroak bat egingo dute hamairugarren edizio honetan.


Azkenak
EGILEA
Eguneraketa berriak daude