Sagrario Aleman (Astiz Etxaleku, Nafarroa) eta Joseba Lakarra (Arratzu, Bizkaia) euskaltzain oso izendatu zituen ostiralean (1) Euskaltzaindiak, gehiengo osoz, Bilbon egin zuen bilkuran. Sagrario Aleman Iruñeko Arturo Campion euskaltegiko zuzendaria da. Bere izena Patxi Zabaletak, Patxi Salaberrik eta Andres Iñigok proposatu zuten. Lakarra, bestalde, Euskararen Historia eta Euskararen Gramatika Historikoaren katedraduna da, EHUko Filologia eta Geografia-Historia fakultatean. Jose Antonio Aranak, Xabier Kintanak eta Jose Luis Lizundiak proposatu zuten. Bestalde, Mikel Zalbide euskaltzain osoak bere sarrera hitzaldia irakurri zuen larunbatean (2). Bertan Agustin Iturriagaren jarduna aztertu zuen.