Ollok berak Ahotsa.info-ri bidalitako ohar batean urtarrilaren 19an adierazi zuenez, "preso politikoei egindako harrerak publikatzea, errepresio kasuak salatzea eta navarra.com-en gisako hedabide faxistei argitaratzen dituzten falaziak justifikatzeko probak eman ditzaten eskatzea" leporatzen diote. Horregatik, onartzen ez duen legearekiko desobediente jokatu eta Madrilgo auzitegian ez agertzea erabaki zuen: "Audientzia nazi-onala epaitegi frankista eta salbuespenezkoa da, gure herria epaitzeko, eta ez dauka inongo zilegitasunik organo juridiko gisa jarduteko, ez nire kontra, ezta Euskal Herriko inongo herritarren aurka ere, ez eta Espainiako erresumak zapaltzen dituen gainontzeko herrietako pertsonekin". La Haine hedabidean irakur daiteke osorik orduan Olaztik plazaratutakoa.

Dirudienez gaur polizia espainiarrek atxilotu eta Iruñeko Chinchilla komisaldegira eraman dute, Madrilgo salbuespeneko auzitegiaren aginduak betetzeko.