Protestek jarraitzen dute Minneapolisen, Poliziak Daunte Wrighten hiltzeagatik
Daunte Wright gazte afroamerikarraren heriotza dela eta protestak jarraitzen dute Minneapolisen. Tiro egin zuen poliziak eta polizia buruak kargua uztea erabaki dute.
Protestek hirugarren egunez jarraitu dute Brooklyn Centerren, Minneapolisetik gertu, Daunte Wright gazte afroamerikarraren heriotza salatzeko. Minneapoliseko eta St Pauleko alkateek larrialdi egoera ezarri dute.
Atzo arratsaldeko konzentrazioak baketsuak izan ziren arren, iluntzean hasi ziren istiluak, Brooklyn Centerreko komisaldegi parean. Izan ere, poliziak gar negar-eragilea erabili zuen jendea sakabaneazeko, eta manifestariak ur botilak eta bestelako objektuak jaurtiz erantzun zuten. 40 pertsona baino gehiago atxilotu dituzte atzo arteko protestetan.
Kim Potter da igandean, Minneapolisen gazte afroamerikarra hil zuen polizia, eta Tim Gannon polizia buruaren arabera pistola taserrarekin nahastu zuen. Poliziak berak grabatutako kameraren bidez azaldu dute gertatutakoa. Minnesotako Atxiloketa Kriminaleko Bulegoak ikerketa abiatu du eta Wrighten familiak polizaren atxiloketa eskatu du.
Potterrek eta Gannonek dimisioa aurkeztu dute astearte honetan. Tiro egin zuen poliziak, ohar baten bidez adierazi duenez, komunitatearentzat, departamentuarentzat eta lankideentzat egokiena "berehala postuari uko egitea da".
Wrighten heriotzak arrazakeriaren eta poliziaren indarkeriaren aurkako protestak piztu ditu. Izan ere, hiri horretan bertan, iaz, George Floyd afroamerikarra hil zuten eta Derek Chauvin polizia George Floyden heriotzagatik epaitzen duten bitartean gertatu da ezbeharra.
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Udaleko Segurtasun Sailak adierazi duenez, Arrontegiko zubiaren azpian izan da tiroketa, udaltzainak zulo bat estaltzera joan direnean.