ARGIA.eus

2020ko irailaren 24a

Ustelkeriaren eta PPren aurkako elkarretaratzea deitu dute larunbatean Iruņean

  • Ustelkeriak eragindako “salbuespen egoera” salatzeko eta PP gobernutik atera behar dela aldarrikatzeko, elkarretaratzea deitu dute Nafarroako Gobernuko lau alderdiek eta hainbat eragile sozialek. Larunbateko 12:30ean izango da Gobernuaren Ordezkaritza aurrean Aski da ustelkeriarik ez! PP kanpora! lelopean.

Lukas Barandiaran San Roman
2017ko maiatzaren 19a
Argazkia: Euskalerria Irratia.

Geroa Bai, EH Bildu, Podemos, Ezkerra-Izquierda eta Batzarrez gain, Izquierda Socialista, Junta Republicana de Izquierdas de Nafarroa, PCE, Gazte Komunistak, CCOO, Solidari, Eraldatu eta Marchas de la Dignidad eragile sozialak egin dute prentsaurrekoa asteazkenean, eta larunbata bitarte eragile gehiago batzea espero dute.

Adierazi dute Alderdi Popularraren ustelkeria kasuek eta horiek ezkutatzeko hainbat instituzio politiko eta judizialek hartutako jarrerek “salbuespen egoera etiko, sozial eta demokratikoa” eragin dutela. Demokrazia ez ezik, pertsonen bizi baldintzak higatzen dituela salatu dute, “ondasun publikoak lapurtu eta oinarrizko eskubideak urratzen baitituzte” beren hitzetan.

Espainiako gobernua soilik ez, Nafarroan ondasun publikoa “arpilatu” duten eskuineko gobernuak ere salatu dituzte; Nafarroaa Arena pabiloia, Los Arcoseko zirkuitua eta Nafarroako Kutxaren desagertzea jarri dituzte adibidetzat.

Egoeraren erantzuloe nagusi jotzen duten heinean, PP gobernutik botatzea beharrezkoa ikusi dute, eta mobilizatzen hasteko garaia dela aldarrikatu dute.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ustelkeria  |  Nafarroako politika

Ustelkeria kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude