Pegida talde xenofoboa indarra hartzen ari dela eta kontra-protestak ugaritu dira Alemanian
Gero eta gehiago dira Alemaniako talde xenofoboa babesten dutenak. Astelehenean indar erakustaldia egin du Pegidak Dresden eta 18.000 lagun bildu dira bertan.
Islamizazioaren Aurkako Abertzale Europarrak (Pegida) talde arrazistak gorakada nabarmena izan du azken hilabeteetan. Horren aurrean, kontra-protesta ugari antolatu dituzte.
Dresden 18.000 lagun batu ditu Pegidaren aldeko martxak, kontra-protestan aldiz 3.000 lagun inguru bildu dira, La Marea agerkariaren arabera.
Besteak beste, Berlin, Stuttgart eta Colonian ere irten dira kalera Alemaniako eskuin mutur berriaren aurka protestatzeko.
Argiak itzali, aurka egiteko
Talde antiislamistaren aurkako kanpaina bat abiarazi dute Sozialdemokratek “itzali argiak Pegidari” deiturikoa. Coloniako Katedraleko eta Brandeburgoko ateko argiak itzali dituzte talde arrazistaren martxa aurretik igarotzean.
Gobernuko zenbait kide ere hasi dira oposizioa egiten. Angela Merkel kantzilerrak aipamena egin dio Pegidari urte amaierako mezuan eta “aurreiritziak eta bihotzean gorrotoa” izatea egotzi dio, BBCk argitaratu duenez.
Pegidak ezkerreko zein eskuineko sinbologiak baztertzen ditu, eta estrategia hori baliagarri izan zaio islamofobo edo xenofoboez gain krisiak kolpatutako jendearengana iristeko.
Alemania da Europar Batasunetik errefuxiatu gehien jasotzen dituen herria, gehienbat Siriako gerra zibilagatik ihesi. Arrazoi hori baliatzen dute sinesmen musulmanak dituzten atzerritar ororen aurka egiteko.
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Donostiako Egia auzoan, azken hilabeteetan, bizilagunen artean segurtasunaren inguruko kezka handitu da, eta “beldur eta urduritasunak duen garrantzia aitortu eta sentimendu horiei lekua” egin behar zaiela aldarrikatu dute.