Gipuzkoako erdigune geografikoan ibiliko gara, aurrekoan proposaturiko zeharkaldi luzetik (Beasain-Azkoitia) gertu. Tontorrez tontor ibil zaitezten azalpenak luzatuko dizkizuegu, bi herri lotu ditzazuen: Ordizia eta Azpeitia; bi eskualde, Goierri eta Urola-Erdikoa; eta bi ibai, Oria eta Urola. Tartean hainbat mendi-lepo nahiz tontor zapaltzeko aukera izango duzue, Illaun eta Mariren egoitza den Murumendi esaterako. Halaber, bi muturrak eta tontorrak elkar josiz, mende luzez artzainek artaldea larre gozoagoen bila eramateko erabilitako bideak zeharkatuko dituzue.