Omenaldi batekin ekingo diote Iruñean Gladys Del Estalen heriotza gogoratzeko asteburuko ekitaldiei

  • Iruñean omenaldia egingo diote ostiralean, maiatzak 31, guardia zibilak Tuteran hildako ekintzaile antinuklearrari. Asteburu bete ekitaldiren hasiera besterik ez da izango, omenaldi, bizikleta martxa eta ibilaldiak aurreikusita baitaude Donostian, Tuteran eta Iruñean.


2019ko maiatzaren 30an - 16:52

Glayds Gogoan ekimenak antolatuta, eta Nafarroako Gobernuaren eta Iruñeko Udalaren babesarekin, omenaldia egingo diote Iruñean ekintzaile donostiarrari, ostiralean Erraldoien Txokoan, 19:00etan hasita. Horrez gain, Geltokin erakusketa bat dago ikusgai joan den astetik.

Ekainaren 3an 40 urte beteko dira Gladys del Estal guardia zibil batek tiroz hil zuela Tuteran, jaialdi nuklear baketsu batean zela. Hilketa hori gogoratzeko ekitaldi ugari antolatu dituzte talde ekologistek eta lagunek. Donostian, esaterako, bizikleta martxa egingo dute larunbatean, orain lau hamarkada Gladysek antolatutakoaren antzeko aldarrikapenekin. EHUko Donostiako Informatika fakultatean, bestalde, erakusketa jarriko dute ikusgai astelehenetik aurrera.

 

 

 

EHUko Donostiako Informatika fakultatean jarriko duten erakusketaren panela (Gladys Gogoan ekimena)

 

 

 

Hitzaldiak, herri bazkaria, eta ibilaldiak ere izango dira. Hala, igandean, Bardeako tiro poligonoaren kontrako XXXII. martxan, Gladys Del Estal oso gogoan izango dute, urtero bezala. Programa osoa hemen.

Ekintzailea hil zuen José Martinez Salas guardia zibilak gutxieneko zigorra jaso zuen eta ondoren bi aldiz kondekoratu zuten. Gladys gogoan ekimenak azaldu duenez "Egindako injustiziaren aitormena eta bere memoriaren erreparazioa nahi dugu".


Kanal honetatik interesatuko zaizu: Energia nuklearra
Energia nuklearraren ekoizpena maximo historikoan: seguru al gaude?

Nazioarteko Energia Agentziaren esanetan 2025ean inoiz baino energia nuklear gehiago produzituko da munduan. Nuklearren bultzada berri baten aurrean gaude, baina erreaktore eta zentraletan izaten diren “gertakariak” ikustea besterik ez dago hartzen ari garen... [+]


Nuklearra energia garbitzat hartzea eskatu du Europako Legebiltzarrak

Legebiltzarrak astearte honetan, hilak 21, onartu du erabakia gehiengo handiz: 456 boto alde eta 153 kontra. Horren bidez, eskatu dio Europar Batzordeari prestatzen ari den Isuririk Gabeko Industriaren Europako Legean onar dezala energia nuklearra zero isuri duten energien... [+]


Fukushimako urak isurtzeak ez duela arrisku esanguratsurik adierazi dute aditu batzuek

Erradiazio eta segurtasun nuklearreko adituek adierazi dutenez, Fukushima Daiichiko instalazio nuklearretik isurtzen ari diren ur erradioaktiboa ez da mehatxu esanguratsua, ez itsasoko bizidunentzat, ezta pertsonentzat ere. Hala adierazi dute Science aldizkarian argitaratutako... [+]


Microsoftek energia nuklearra erabili nahi du adimen artifiziala elikatzeko

Hodeia ez da existitzen, beste norbaiten ordenagailua da. Zehatzago esanda, beste norbaiten ordenagailuz betetako pabiloi erraldoiak dira hodeia, eta energia kopuru izugarriak behar dituzte. Microsoftek erreaktore nuklear txikien aldeko apustua egin nahi du energia behar horiek... [+]


Eguneraketa berriak daude