ARGIA.eus

2021eko urriaren 28a

Olinpiar Jokoetan estatuenak ez diren banderak debekatuta daude

  • Pasa den asteazkenean, Frantziaren eta AEBen arteko emakumezkoen futbol partida ikusten ari zela –Glasgowen–, eskuetan zeraman Bretaniako bandera gordetzeko eskatu zion segurtasun guarda batek Thierry Le Sommerri, "parte hartzen duten herrialdeetako banderak soilik" erakutsi daitezkeela argudiatuz Olinpiar Jokoetan.

2012ko abuztuaren 01a
Olinpiar Jokoetan bandera bretoia gordetzera behartu zutela salatu du Thierry Le Sommerrek.

Frantziako selekzioan jokatzen duen alaba animatzera joan zen Le Sommer Glasgowra. "Barregarria da, erokeria hutsa; bandera erakustea ez da delitua", adierazi du.

"Harro gaude gure herrialdeaz", gehitu du Le Sommerrek: "Alaba animatzera mundu osoko furbol zelaietara joan naiz eta inon ez dira bandera bretoia erakutsi dudalako kezkatu". Salatu duenez, poliziek Glasgowko futbol zelaitik ateratzeko eskatu zioten, uneoro grabatzen zuten bitartean, baina azkenean barruan geratzen utzi zioten, bandera gordetzera behartu arren.

Gertatutakoak zalaparta sortu du, eta gaiak Frantziako hedabideetan jarraipena izan du.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Azkenak
Argia buletina
Egunaren laburpena
zure e-postan
Eguneraketa berriak daude