Euskal Herriko Mugimendu Abolizionista aurkeztu da. Feminismoaren barruan aspalditik dago eztabaida erregulazioaren alde eta abolizioaren alde daudenen artean. Oiane Menika Mugimendu Abolizionistako kidea gonbidatu dugu Hizpide saiora, abolizionismoaz daukaten ikuspegiaren berri izateko.

Sakonean hitz egin nahi izan dugu Menikarekin. Abolizioaren zergatiak azaldu dizkigu, abolizioa debekuarekin lotzearen gaizkiulertuak nabarmendu, eta guzti honen atzean dauden mafiak eta prostituzioaren industria salatu ditu. Bestalde, eskariari erreparatuta, prostituzioaren kontsumo aldetik, horren atzean ezkutatzen den sexualizazio eta harremantze eredu misogino eta dominatzailea azaleratu nahi izan du, sexualitate osasuntsuagoa aldarrikatzearekin batera. Sexu langileen kolektiboak, prostituzio duina, pornografia, alokairuko sabelak, erregulazioa, estatuaren betebeharra eta normalizazioaren arriskua landu ditugu, besteak beste.

Elkarrizketa osoa hemen entzungai.