ARGIA.eus

2020ko ekainaren 03a

"O, PELLO, PELLO!" ADISKIDETASUN EKITALDIA

2003ko martxoaren 14a
Gaur (martxoak 14) Donostiako Lugaritz Kultur Etxean (Antigua auzoa) arratsaldeko 20:00etan "O, Pello, Pello!" adiskidetasun ekitaldia egingo da. Saioa ARGIAko kolaboratzaile eta adiskideek eskaintzen diote kartzelan dagoen Pello Zubiria ARGIAko zuzendariaren albokoari. "Euskaldunon Egunkaria"ko zuzendaria izan zen Zubiria eta "Egunkaria"ren aferan atxilotu zuten beste bederatzi lagunekin batera. Orain, kartzelan da eta espondilitis ankilopoietikoa gaitza duenez, haren osasun egoera ez da batere ona. Ekitaldian zehar, txistua, musika, poesia errezitaldia, dantza eta beste hainbat saio izango da eta honakoek parte hartuko dute bertan: I˝aki Mendiguren, Juanma Zaldua, Olatz Korta, Mikel Garikoitz, Jakoba Errekondo, Tere Irastortza, Jabier Agirre, Emilio Lopez Adan, Xabier Otaegi, Piter Ansorena eta Txema Vitoria, Jon Alonso, Arantxa Iturbe, I˝aki Murua, Julen Lekuona eta Haritz Lekuonak. Sarrerak 5 euro balio ditu eta Telekutxa (943 411 200), Servikutxa eta www.begira.com web gunean eros daitezke.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak

Azkenak
Argia buletina
Egunaren laburpena
zure e-postan
Eguneraketa berriak daude