NUPen erizaintza euskaraz irakasteko eskatu dute

  • 'NUPen erizaintza euskaraz' dinamika aurkeztu dute Ikasle Abertzaleak-ek, Behatokiak, LABek, ELAk, Steilasek eta Iruñeko euskalgintzak, eta osasungintzan hizkuntza eskakizuna duten postuak egotea aldarrikatu.

Euskalerria irratia @fm983irratia
2018ko urtarrilaren 30a
"NUPen erizaintza euskaraz" kanpaina aurkeztu dute Ikasle Abertzaleak-ek, Behatokiak, LABek, ELAk, Steilasek eta Iruņeko euskalgintzak. Argazkia: Euskalerria Irratia.

Nafarroako osasun zerbitzuari eta osasun ikasketei pultsua hartu diote Ikasle Abertzaleak-ek, Behatokiak, LABek, ELAk, Steilasek eta Iruñeko euskalgintzak, eta euskaraz lan egiteko eta ikasteko eskubidea bermatuta ez dagoela ondorioztatu dute. Bi eskari egin dituzte; bat, hizkuntza eskakizuna duten lanpostuak ezartzea; eta bi, lan hori euskaraz eginen duten profesionalak prestatzea eta, horretarako, bai Lanbide Heziketan, bai unibertsitatean "osasungintzarekin zerikusia duten ikasketa guztiak" euskaraz eskaintzea. Horren barruan, erizaintzari eman diote arreta, eta "NUPen erizaintza euskaraz" izeneko dinamika aurkeztu dute, Nafarroako Gobernuari egoera "iraultzeko urratsak" egin ditzan eskatzeko xedez. 

Euskara, %0'5ean baino ez

Datuen bidez azaldu dute Osasunbidearen egoera. Euskarazko profil eskaera Osasunbideko postuen %0'5ean baino ez dago, areago, Nafarroako Ospitale Gunean ez dago euskarazko profila duen lanpostu bakar bat ere. Ez hori bakarrik: Nafarroako Gobernuak egindako Lan Eskaintza Publikoan alemaniera eta ingelesa jakiteari 2 puntu eman dizkiote eta euskarari, berriz, 0 puntu eremu ez euskaldunean; 1'17 puntu zonalde mistoan; eta 2,34 puntu "eremu euskaldunean".

Bi testigantza, egoeraren isla

Erizaintza euskaraz ikasi ezin izan duten bi ikasleren testigantzak aurkeztu dituzte. Batetik, Markel Flores Reparaz erizaintza ikaslearena; euskaraz egin zituen hark ikasketa guztiak, Nafarroako Unibertsitate Publikora iritsi arte. Orain, gaztelaniaz ari da. Eta, bestetik, Lorea Martinezen kasua: euskaraz egin zituen unibertsitate aurreko ikasketak, eta Euskal Herriko Unibertsitatera joan behar izan zuen euskaraz segitzeko, Nafarroan ez dagoelako aukerarik.

"Benetan deigarria da afera hau. Izan ere, gaurko ikasleak biharko profesionalak gara. Eta Unibertsitate Publikoan euskaraz formatzen ez gaituztelarik, ondotik osasun publikoan zerbitzua euskaraz bermatzea zailtzen da. Ondorioz, herritarren hizkuntza eskubideak urratzen eta osasun zerbitzuaren kalitatea eskasten da. Larriagoa da afera, aintzat hartzen badugu NUPen erizaintza graduan matrikulatuak gauden ikasleen erdiak baino gehiago euskaldunak garela. Eta oraindik eta ulergaitzagoa, gaur gaurkoz gradu osoan soilik bi ikasgai euskaraz ikasteko aukera izatea", adierazi du Floresek. 

"Erizaintza euskaraz egin nahi izan dut eta Nafarroan horretarako aukerarik ez dagoenez, Ibaetara joan behar izan dut karrera egitera. Aukeran, Iruñean bertan nahiago nuen. Izan ere, nafarra naiz, Unibertsitate Publikoa dugu hemen eta, gainera, erizaintza gradua ematen da. Baina astero Donostiara joan behar dut, diru publikoa jasotzen duen Unibertsitateak ikasketak euskaraz eskaintzen ez dituelako. Honek gurasoei urtero diru ahalegin handia egitea eskatzen die. Ez da justua, haien zergak hemen ordaintzen baitituzte, baina alabak ezin du bertako Unibertsitate Publikoa baliatu, kanpoan ikasi beharra du. Ez al da zentzugabea?". Galdera airean utzi du Martinezek.

Albiste hau Euskalerria Irratian argitaratu dute eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskara Nafarroan  |  Medikuntza  |  Iruņea  |  NUP

Euskara Nafarroan kanaletik interesatuko zaizu...
2018-09-20 | Kontseilua
'Hizkuntza eskubideak bermatzeko Legearen bidean' jardunaldia egingo dute Iruņean

"Hizkuntza eskubideak bermatzeko Legearen bidean" jardunaldia antolatu du UEUk Kontseiluaren laguntza eta Euskarabidearen babesletzarekin. Bertan Nafarroako zonifikazioaren ondorioak alde juridiko batetik aztertuko dira alde batetik, bai eta ikuspegi historikoa, arlo administratiboa, soziolinguistikoa eta euskararen garapenerako trabak ere.


Nafarroako Legebiltzarrean PPko kideei gaztelaniaz zuzentzeko eskatu dio Beltranek Aznarezi

Ana Beltrán PPko bozeramailearen iritzian "aldatzeko unea da". Batzuetan euskaraz zuzentzan zaie Ainhoa Aznarez Legebiltzarreko presidentea, eta denentzat ari denean ere euskaraz egiten omen du gehien. Horregaitik, beraiei ari denean "beti gazteleraz" egiteko eskatu dio, idatziz.


2018-09-05 | ARGIA
Euskara Nafarroa osoan ofiziala izatea eskatuko dute urriaren 27an

Nafarroako Parlamentuan euskararentzat lege berria aztergai dela baliatuz, datorren urriaren 27rako mobilizazio handia iragarri du Kontseiluak. Iruñean egingo da, 17:00etan hasita, "nafar guztiei euskaraz bizitzeko eskubidea bermatuko dien ofizialtasuna eskatzeko".


2018-08-31 | Irati irratia
Erronkariko "uskararen" zaindari Mariano Mendigatxa omenduko dute Bidankozen

Gotzon Perez Artutxekin egon gara, bidankoztar ikertzailea bera, Mariano Mendigatxaen inguruan elekatzen. Gotzonek ederki asko azaldu digu zer nolako garrantzia izan zuen Mariano Erronkariko uskara gordetzen.


Gobernuaren erantzuna: Euskara, atzerriko hizkuntzen azpitik

Arartekoak gomendatutakoaren aurka, Nafarroako Gobernuak aurrerantzean ere jarraituko du Nafarroako Erriberan (eta "ez-euskaldun" deitutako eremu guztian), euskara ez baloratzen lan deialdietan, alemana, ingelesa eta frantsesa baloratzen dituen bitartean. Euskararen balioa zero da lekualdaketetan eta oposizio-lehiaketetan, eta aipatutako hizkuntzek 2 puntu ematen dituzte bakoitzak. Nafarroako Arartekoak behin baino gehiagotan gomendatu dio Gobernuari: Ez dadila atzerriko hizkuntza bat... [+]


2018-07-15 | Ainhoa Bretos
Euskararen Aldeko Plataforma
Erasoen aurrean, Erriberan elkar hartu dute

Euskararen Aldeko Plataforma eratu dute Tuterako AEK-k, Argia Ikastolak, Beterri Peñak, Arrigarai Euskaltegiak, A ereduan irakasle lanetan ari direnek eta Tuteran Jai Gazte Mugimenduak. Plataformako kideek adierazitakoaren arabera, Nafarroan euskararen kontra etengabe egiten diren erasoen aurrean, aukera berriak proposatu nahi dituzte, hizkuntzak bere esparrua izan dezan: “Euskarari aitortza egin behar zaio, euskarak ofiziala izan behar du Nafarroa osoan”.


Tuterako Euskararen Aldeko Plataforma sortu dute

Euskara eta euskal kultura sustatzeko osatu dute Tuterako Euskararen Aldeko Plataforma. Asteburuan egin dute lehen ospakizun-festa. Erriberan euskaraz bizi nahi dutenei aukerak ematea da plataformaren xedea.


Euskara atez atekoa da

San Ferminak amaitu eta “Gaixoa ni” abesteari utzi bezain pronto, ordulari bat pizten da Iruñean, hurrengo jaiei begira atzera kontua hasiz, lehergailu bateko kronometroaren gisan. Bada une honetan beste markagailu bat hamaika plazetan, bistan ez dagoena, 2019ko maiatzari so: hauteskundeena.


2018-06-04 | Xabier Letona
10.000 lagun euskararen aurka Iruņean, iazko ikurrinaren aurkako manifestazioan baino gutxiago

Nafarroako Gobernuak euskararen esparruan daraman hizkuntza politika salatzeko manifestazioa egin zuten Iruñean joan den larunbat arratsaldean, besteak beste UPN, PP, PSN, Ciudadanos eta Voxek sostengatu zuten manifestazioa.


"D eredua jarrita ezinduak eta immigranteak gainetik kentzen dituzu, eta guayak geratzen zarete"

Ekainaren 2an euskararen kontrako manifestazioa deitu dute Iruñean. Deitzaileen artean Patxi Mendiburu blogaria eta Doble12 kultura elkarteko Fernando Aranguren daude, eta asteazkenean manifestazioa deitzeko arrazoiak eman dituzte prentsaurrean. Nafarroako Gobernuaren egungo hizkuntza politikaren “inposizioaren kontra” deitu dute manifestazioa; eta, diotenez, “ez da euskararen aurkako mobilizazioa”.


Eguneraketa berriak daude