"Betebehar legal eta etikoa da gizarte osoarentzat eta haren erakundeentzat, batez ere negazionismoa indartzen den garaietan, Francoren diktaduraren adierazpen oro espazio publikotik desagerraraztea", adierazi du Ollok, Memoria Historikoaren arloko Koordinazio Batzorde Teknikoan.

Sinbologia frankista espazio publikoetatik kentzeko prozesua 2016ko azaroan hasi zen, Nafarroako Gobernuak behin-behineko errolda onartu zuenean. Une horretan, 141 udalerrik egindako ekarpenei esker, 224 elementu detektatu ziren. Sinbologia frankistari buruzko erroldak hainbat sinbolo biltzen ditu: legendak, aipamenak, goraipamenak, izendapenak, ohorezko tituluak eta erregimen frankistarekin lotutako pertsonak goraipatzeko gainerako moduak. Orduan adierazten zen errolda irekia eta behin-behinekoa zela, oraindik ezagutzen ez ziren beste ikur batzuk aurkituz gero alda zitekeelako, txosten berriak egin ondoren.

Nafarroan erretiratu dituzten ia 700 elementu frankistak, Memoriaren Nafarroako Institutuak Oroibidea artxibo digitalean plazaratutako mapan daude jasota.

Memoriaren Tokiak

Asteleheneneko bileran memoria historikoaren bueltako ekintza gehiagoren berri eman dute. Horien artean, Memoriaren Tokiak izendatzeko proposamena nabarmendu du Nafarroako Gobernuak. Gerra Zibilean eta frankismoan identifikatu gabeko pertsona fusilatuen gorpuzkien panteoia, Iruñeko San Jose udal hilerrian; eta Nafarroako Fusilatuen Senitartekoen Elkartearen (Affna-Nafse 36) Tropezones ekimena.