Nafarroako AHT proiektuaren aurkako salaketa aurkeztu dute Europako Batzordean

  • Sustrai Erakuntza Fundazioak Espainiako eta Nafarroako gobernuen aurkako salaketa aurkeztu du Europako Batzordeko Ingurumen Zuzendaritzan, AHT proiektua dela eta. Europako Berdeen taldeko Jordi Sebastià (Compromís) legebiltzarkideak egin ditu salaketa aurkezteko bitartekari lanak. Esan duenez, “Nafarroako AHT proiektuak gutxienez bost europar zuzentarau eta nazioarteko hitzarmen bat urratzen ditu”.

Unai Brea @unaibrea
2015eko ekainaren 19a
Proiektuari buruzko informazioa jendarteari ez zabaltzea salatu du, besteak beste, Sustrai Erakuntzak.

Sustrai Erakuntzaren esanetan, arau urraketak hiru arlotan gertatzen dira:

Informazio eta parte hartze eza: salaketaren arabera, Nafarroako Gobernuak AHTri dagokion ingurumen arloko informazioa ezkutatu du 2008tik 2014ra. Modu horretan, Aarhuseko Hitzarmena eta 2003/4/CE zuzentaraua urratu dituzte. Sustrai Erakuntzak nabarmendu du urraketa hori agerian utzi dutela honezkero Nafarroako Arartekoaren 2009ko erresoluzioa batek eta Nafarroako Justizia Auzitegi Nagusiaren 2013ko epai batek.

Ingurumen Inpaktuko Adierazpenen (IIA) balio eza: “Nafarroako Gobernuak eraikitze lanak abiatu zituenean, 2011n, IIAek bi urte zeramaten iraungita”. Hala ere Castejón eta Cadreita artean obrak egiten ari direla eta ibilbidearen beste zati batzuetan lur desjabetzeak tramitatzen ari direla salatu dute.

Babestutako eremuei kaltea: aurreikusita dago AHTk Natura 2000 Sareko hainbat eremu zeharkatzea. Horrek hegaztien babesei eta habitaten kontserbazioari buruzko hainbat arau urratuko lituzke.

Sustrai Erakuntzak gaineratu du Nafarroako AHT egitasmoak ez duela errentagarritasun sozio-ekonomiko azterketarik, 65 kilometroko trenbidea eraikitzeko 900 milioi euro gastatzea aurreikusten bada ere. Alferreko gastutzat jo dute, are gehiago kontuan izanda abiadura handiko beste bide batzuekin inolako loturarik ez duela izango.

“Tren bide berria dagoeneko existitzen denaren paraleloa da. AHT kostatuko denaren hamarren bat erabilita gaur egungo linea modernizatu liteke”, esan dute.

Sustrai Erakuntzak egitasmoaren aurkako mobilizazio deialdia egin du, Nafarroako Ekologistak Martxan eta AHT Gelditu! elkarlanarekin batera. Ekainaren 20an (larunbata) egingo da kontzentrazioa, Nafarroako Diputazioaren aurrean, eguerdiko 12etan. Elkarretaratzearen amaieran Europako Batzordean aurkeztutako salaketari buruzko argibideak emango dituzte.   

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Abiadura Handiko Trena kanaletik interesatuko zaizu...
2018-08-08 | AHT Gelditu
AHT gelditu! 2018ko bizi martxa
MULTIMEDIA - bideo herrikoia

Abiadura Handiko Trenaren aurka bizikleta martxa antolatu du uztaila amaieran AHT Gelditu ekimenak. Nafarroako lurrak zeharkatu zituzten biztanleei trenaren inguruko informazio helaraziz.


Altsasuko Alkateari eskutitz irekia AHTari buruz

AHT-Gelditu!-k antolatuta eta Sakana Trenaren Alde plataformak lagunduta bizikleta-martxa egin zen Martzillatik abiatuta Altsasura arte. Hori baliatuta, Sakana Trenaren Alde plataformak gutun irekia zuzentzen dio Altsasuko Udaleko Alkatea den Javier Ollo jaunari.


2018-07-29 | Juan Mari Arregi
Tapiaren datu zoroak AHTrentzat

Lakuako Gobernuak, bere kontseilari Arantza Tapiaren bidez, jarraitzen du tematuta Euskal Y-a erakitzeko, Europako Kontuen Auzitegiak bere bideragarritasuna oso zalantzan jarri duen arren, esanez “mosaiko ez eraginkorra” eta “iruzur ekonomikoa” dela. Ajuriaeneakoek jarraitu nahi dute zorakeria faraonikoarekin, kontuan izan gabe haren xahutze ekonomiko publikoa, ez politikoki ez herritarren artean sekula eztabaidatu gabea gainera.


2018-07-27 | Ahotsa.info
Nafarroako Erdialdea zeharkatu du AHT Gelditu ekimenaren txirrindula martxak

AHT Gelditu ekimenak antolatu duen Abiadura Haundiko Trenaren aurkako txirrindula martxa Nafarroako Erdialdea zeharkatu du gaurko egunean. Martzillatik Tafallaraino, Azkoien, Faltzes eta Erriberritik pasatuz, bertako biztanleei proiektu honen inguruko informazio helarazi diete.


AHT: Amaiera gabeko trenbidea

Agintariek herritarrei “etorkizunaren” izenean hitz emandako Abiadura Handiko Trenbide sarearen hiru laurden amaitu gabe dago, lehen proiektuak hasi eta ia hiru hamarkada ondoren. Oraindik urteak beharko dituzte zati gehienak amaitzeko eta batzuk seguruenik ez dira inoiz egingo, Ipar Euskal Herrikoa kasu.


AHTren aurka Itsasondon giltzapetu ziren lau ekintzaileei isuna jarri diete

60.000 euroko isuna eta urte eta erdiko kartzela zigorra eskatzen zieten Fiskaltzak eta Euskal Trenbide Sareak (ETS). Fiskaltzarekin negoziatzea lortu dute ordea.


2018-07-23 | ARGIA
Elkarretaratzea Donostian, Itsasondoko meategietan giltzapetu ziren lau lagunekin elkartasunez

Uztailaren 25ean eta 26an epaituko dituzte 2010ean Itsasondoko meategietan giltzapetu ziren AHTren kontrako lau ekintzaileak. Sustengua adierazteko elkarretaratzea deitu dute Donostiako epaitegi aurrean, 25ean 9:00etan.


2018-07-20 | Guaixe .eus
AHTren kontra bizikletan Martzilla eta Altsasu artean

AHT Gelditu! Elkarlanak Nafarroako Abiadura Handiko Tren korridorearen kontrako bizikleta martxan antolatu du. Ostegunean Martzillatik abiatuko da eta 29an Altsasun bukatuko da. Azken etapa Irurtzun eta Altsasu artekoa da. Astelehenera arte eman daiteke izena ahtrikeznafarroa@gmail.com e-postan edo 628 243 066 telefonoan. Lau egunetarako joaten direnek 40 euro ordaindu beharko dituzte, 25 bi egunerako joaten direnak eta 15 euro egun bakarrean ariko direnek. Horren barruan gosariak, bazkariak... [+]


2018-07-19 | ARGIA
AHT-ren xahubidea
Bergarako lotuneko beste zati bat esleitu du Adifek: kilometroko 35 milioi euro

Espainiako Sustapen ministerioak Euskal Y-aren bigarren zati bat esleitu du Bergarako lotunean, trenbide azkarraren sareak bat egiten duen tokian.


2018-07-15 | Juan Mari Arregi
Onartu, AHT erokeria da

Europako Kontu Auzitegiak txosten etsigarria zabaldu du Europako abiadura handiko trenbide sarearen inguruan (Euskal Herrian AHT, Frantzian TGV, Espainian AVE…).


Azkenak
EGILEA
Eguneraketa berriak daude