AEBetako armadak ontzi txikietan zihoazen pertsonak hiltzen zituela ikusi ondoren, epaiketarik egin gabe, ustezko trafikatzaileen akusaziopean bakarrik, edo Nicolás Maduroren bahiketa non 100 pertsona erailak izan ziren, uste dut nazioarteko zuzenbidea paper bustia dela eta NBEren papera garrantzirik gabekoa. Eta Groenlandiako anbizioak ikusi ondoren, argi geratzen da AEBez gain beste herrialdeak ere garrantzirik gabeak direla.

Argi dago AEBek ezin dutela onartu dolarra bigarren mailara igarotzea, besteak beste, petrolioa dolarra ez den beste moneta batzuetan saltzea, ezta zenbait baliabide Txinaren esku geratzea ere.

Agertoki horretan, beste gerra batzuen hasieran bezala, blokeak ondo definituta daude. Errusiak eta Txinak ezin dute Iran erortzen utzi. Hasiera batean Iranen AEBetako zigor ekonomikoek protesta baketsuak eragin zituzten arren, gero odoltsu bihurtu ziren, Irango gobernuak dioen bezala Mossad israeldar agente infiltratuek armak banatu eta poliziak eta herritarrak hiltzeko agindu baitzuten. Oraingoz, Trumpek eta Mossadek ez dute lortu Iran mendean hartzea, baina berriro saiatuko direla uste dut, eta ez da harritzekoa analista adituek esatea Kuban misilen krisian gertatutakoa baino egoera okerragoa bizitzen ari garela. Edonola ere, bloke kapitalista eta sozialistaren arteko konfrontaziotik Mendebaldeko herrialdeen eta BRICen arteko konfrontaziora igaro gara. Beti gerrak, oso errentagarria batzuentzat baina ez da izango hau beste modu batera egin daitekeela pentsatzeko garaia?

Patxi Aznar Bellido