Mozal Legearen indargabetzea eskatuko dute larunbatean
Iruñean, Bilbon, Gasteizen eta Espainiako Estatuko beste 23 hiritan protestak egingo dituzte larunbatean Mozal Legearen aurka. Hiru urte beteko dira Espainiako Kongresuak, PPk proposatuta, oinarrizko eskubideak urratzen dituen legea onartu zuenetik.
Espainiako Estatuko 25 hiritan mobilizazioak antolatu dituzte martxoaren 17an hainbat kolektibok. Hego Euskal Herriari dagokionez, hauek dira gaur-gaurkoz antolatuta dauden mobilizazioak:
- Bilbo: 11:00etan Moyua plazan elkarretaratzea, Herritarren Kriminalizazioaren Aurkako Plataformak deituta.
- Iruñea: 12:00etan Mendindade plazan, Espainiako Gobernuaren delegaritzaren aurrean.
- Gasteiz: Matxete enparantzara doan San Bizenteko aldapan elkartuko dira arratsaldean –ordua ez dute jakinarazi–.
No Somos delito plataforma da azken urteotan Mozal Legeak (Herritarren Segurtasunerako legea, Zigor Kodearen erreforma eta Terrorismoaren Aurkako Itunaren erreforma) indargabetzeko lan-dinamika iraunkorra izan duen eragilea. "Adierazteko eta mobilizatzeko askatasunaren defentsan" kalera ateratzeko deia egin du.
EAJren eta PSOEren proposamenekiko kritiko
Mozal Legearen zenbait artikulu moldatzeko PSOEk eta EAJk Espainiako Kongresuan aurkeztu dituzten testuek ez dute oinarrizko eskubideak praktikara eramateko bermerik eskaintzen, No Somos Delitok salatu duenez.
Plataformaren eledun Mónica Hidalgok, El Salto hedabideari egindako adierazpenetan, lege honek gehien zigortzen dituen bi kolektibo nabarmendu nahi izan ditu, askotan ikusezin bilakatzen direlako: sexu langileak eta migranteak. Aldi berean, azpimarratu du "egunetik egunera gero eta egoera ezohikoagoak" gertatzen ari direla: "Polizia-agenteei berorika (de usted, gaztelaniaz) ez egiteagatik ala kamiseta aldarrikatzaileak janzteagatik zigortzen ari dira jendea".
Espainiako Estatuak 3,7 milioi euro jaso ditu isunetan, "segurtasun indarrak iraintzea edo errespeturik gabe zuzentzea" zigortzen duen Mozal Legearen artikuluaren aplikazio masiboarengatik.
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]
Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]