Mozal Legearen bitartez ezarritako lehen zigorra baliogabetu du Bilboko Epaitegiak

  • Bilboko Administrazioaren Auzietarako 2. epaitegiak bertan behera utzi du Eusko Jaurlairtzako Segurtasun Sailak Mozal Legearen bitartez jarritako lehen isuna.


2017ko martxoaren 03an - 10:54
Mozal Legearen aurkako manifestazio bat, Bilbon (Arg.: Eitb)

Otsailaren 16an epaiketa egin zen Bilbon, Mozal Legearen bitartez Bizkaian jarritako lehenengo isunarengatik. Hain zuzen ere Mozal Legearen aurkako protesta batengatik jarri zuen isuna Segurtasun Sailak, 2015eko uztailaren 1ean, Espainiako Gobernuak legea indarrean jarri zuen egunean.

Epaia oinarritu da Giza Eskubideen Europako Auzitegiaren eta Konstituzio Auzitegiaren erabakietan. Hauen arabera, “biltzeko eskubidea oinarrizko eskubide bat da eta ezin da zigortu”. Ezingo da sententziaren aurkako helegiterik aurkeztu.

Bizkaiko hainbat kolektibok Segurtasun Sailari eskatu diote Mozal Legearen bitartez ireki dituen zigorrak baliogabetu ditzala. 2016. urtean 1.478 zigor txosten ireki zituzten Euskal Herrian. Isunen zerrendaren buruan Donostia dago (189 isun) eta bigarren tokian Bilbo (160). Diru kopuruak 300 eta 1.500 euro artekoak dira.


Kanal honetatik interesatuko zaizu: Mozal legearen mehatxua
Artxibatu egin dute Ahotsa.info-ko kazetari bat gezurrekin salatu zuen udaltzainaren aurkako kereila

2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]


2023-03-15 | Axier Lopez
Espainiako Gobernuak ez du hitza bete: Mozal Legeak indarrean jarraituko du

2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]


Otsaileko lehen osoko bilkuran onartu nahi dute Espainiako Kongresuan 'Mozal Lege' berria

Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.


Laudioko Gaztetxearen aldeko elkartasun jaialdiak antolatu dituzte Laudion, Bilbon eta Gasteizen

Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]


2022-12-16 | Iñaki Agirre
“Ez dugu ekimen erreformistarik nahi, Mozal Legearen indargabetzea eskatzen dugu”

Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]


Eguneraketa berriak daude