ARGIA.eus

2021eko azaroaren 28a

Informatzeagatik ARGIA zigortu du Espainiako Gobernuak, Mozal Legea baliatuz

  • ARGIAko kazetari bat zigortu dute Mozal Legea aplikatuz eta 601 euroko isuna ezarri diote kazetaritza lana egiteagatik. Espainiako Gobernuak Gipuzkoan duen ordezkariordearen izenean heldu den salaketak jasotzen duenez, “baimenik gabe” polizia operazio baten irudiak sareratu zituen Axier Lopez kazetariak. Lege hau horrela aplikatuta, Euskal Herriko kazetari bati jartzen dioten lehen zigorra da.

Lander Arbelaitz Mitxelena @larbelaitz
2016ko apirilaren 06a
Axier Lopez kazetariak "baimenik gabe" polizia operazioaren irudiak sareratu zituela dio salaketak.

Naroa Ariznabarreta Eibarren atxilotu zuten uneko argazkia da zigorra eragin duena. Axier Lopezek martxoaren 3an sareratu zuen, atxiloketa gertatu zen unean. Ariznabarretak uko egin zion epaitua izateari 2007an Segiren ilegalizazioa salatzeko A8 autopista moztu izanagatik. ARGIAk gazte hauen desobedientzia ariketaren gertuko jarraipena egin zuen, eta Lopez buru-belarri ibili zen jardun horretan, besteren artean.

“Herritarren segurtasunerako 4/2015 Lege Organikoa” erabili du Espainiako Gobernuaren ordezkariak zigorra justifikatzeko, Euskal Herriko eta Espainiako Estatuko herri mugimenduaren eta oposizio politiko osoaren aurkakotasuna eragin duen “Mozal Legea”.

“Eibarren aurrera eramandako polizia operazioaren irudiak sareratu zituen salatuak @axierL bere Twitter kontuan, inongo baimenik gabe. Irudi horiei esker operazioan parte hartu zuten agenteak identifika daitezke, funtzionario hauentzat identifikazio publikoak dakarren arriskuarekin”, dio salaketak.

601 euroko isuna ezarri diote kazetariari azpiko txio honen bidez atxiloketaren uneaz informatzeagatik.

Aurretik ere mehatxuak informazio eskubideari

Mozal Legea urratzearren Espainiako Gobernuak Ahotsa.info mehatxatu zuen azaroan. Agerkari digitalera bidalitako oharrean, Sanferminetan publikaturiko albiste batean agenteen irudiak agertzen zirela azpimarratzen zuen Espainiako Poliziak. Carmen Alba ordezkariak hedabideari abisua bidali zion, gogoraraziz zer zigor dakartzan Poliziaren irudi edo datuak "baimenik gabe" erabiltzeak.

2015eko martxoan, Kazetaritza ez da delitua ekimenaren baitan, Euskal Herriko 400 kazetari Mozal Legearen aurka publikoki agertu ziren.

Mozal Legea ezbaian

Aste honetan Espainiako Parlamentuan oposizioa batu da PPren oinarrizko hiru lege atzera botatzeko: hezkuntzako LOMCE legea, Zigor Kode berria eta Mozal Legea bera.

Eusko Legebiltzarrak 2014ko otsailean Mozal Legea bertan behera uzteko eskatu zuen, alderdi hauen babesarekin: EAJ, EH Bildu, PSE-EE eta UPyD. Bakarrik geratu zen PPk, EAEko parlamentuaren %12 ordezkatzen du.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


ARGIA mozalik gabe kanaletik interesatuko zaizu...
2021-01-15 | ARGIA
Gasteizko Herritarren Defendatzaileak arrazoia eman dio ARGIAri: Polizia grabatzea eskubidea da

Gasteizko udaltzain batek polizia operazio baten irudiak hartzea debekatu nahi izan zion mehatxuka ARGIAko kazetari bati 2020ko maiatzaren 7an. ARGIAk salaketa aurkeztu zuen Gasteizko Herritarren Defendatzailearen aurrean. Sindikoak arrazoia eman dio ARGIAri: Polizia grabatzea... [+]


2020-06-25 | Hala Bedi | ARGIA
ARGIAk eta HALA BEDIk kexa bana aurkeztu dugu Sindikoan eta Arartekoan, Poliziaren jarrera salatzeko

Iragan maiatzaren 7an eta 8an ARGIAko eta HALA BEDIko kazetarion lana oztopatu zuen Poliziak Gasteizen, mehatxuak eta gezurrak erabilita. Bi hedabideok Ertzaintza eta Gasteizko Udaltzaingoaren jarrera salatu dugu Arartekoan eta Gasteizko Sindikoan aurkeztutako kexen bidez.


2020-05-12 | Z. Oleaga
Informazio eskubidearen aurkako erasoa
Gasteizko udaltzain batek ARGIAko kazetari bati: "Mugikorra ez erabiltzeko agintzen dizut"

Gasteizko Udaltzaingoa legea urratuz sartu zen okupatutako etxebizitza batean ostegun gauean. ARGIAko kazetari bat han zen lanean. Udaltzainetako bat, legeak dioenari muzin eginez eta gezurrak erabiliz, kazetariaren lana oztopatzen saiatu zen desalojoaren lekukotasun grafikorik... [+]


2019-11-10 | Koldo Izagirre
Astean asteko historia
2017ko martxoaren 19a

Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude