Mixel Thikoipe idazle eta euskaltzalea hil da 69 urterekin
Astearte gauean hil da Amendüzen jaiotako idazle, kantari, euskaltzale eta sindikalista Berria egunkariak argitaratu duenez.
Hainbat liburu argitaratuak zituen Thikoipek Maiatz argitaletxearen eskutik, baina ez zeukan bere burua idazletzat, Mikel Asurmendiri ARGIAn azaldu zionez: " Ideia heldu bazait, orduan bai. Hartakoz erraten dut ez naizela ez idazle ez kantari, zentzu 'profesional'-ean. (...) Ni idazle naiz idazten dudan momentuan".
Nolanahi, bi narrazio liburu utzi ditu: 2007an argitaratutako Hotz bero eta 2009ko Jin bezala. Horrez gain, berak egin zuen XII-XIII. mendeetako Roman de Renard liburuaren euskarazko itzulpena, 2008an argitaratutako Gorrail azeria.
Musika munduan ere aritu zen, Pil-Pil taldean Jojo, Bernadette eta Aletxandre Bordagarairekin batera; baita lehenago Xorrotxak taldean ere. Eta Lur Berri kooperatiban lan egin zuen hainbat urtez.
Eritasun kroniko baten eraginez hil da Thikoipe Kazeta-k informatu duenez. Asteazken arratsaldetik aurrera egingo diote hil beila Donapaleuko Guichandut ehorzketa etxean eta hilaren 22an emango diote azken agurra Akizen.
Gizakiak istorio kontatzaileak gara, hainbeste, ezen esan ere egin daitekeen narrazio gaitasuna dela gizaki egiten gaituen ezaugarrietako bat. Kontakizunak behar beharrezkoak zaizkigu geure burua eta errealitatea eraikitzeko, eta bereziki aipatzekoa da ipuin klasikoek horretan... [+]
Uxue Alberdiren lanari begira jarriko gara oraingoan. Lehenengo artikulu honetan helduentzako idatzi dituen ipuinak, eleberriak, saiakera eta kronika hartuko ditugu kontuan. Bigarren artikulu batean ilustratutako anekdotez, istorioez, filosofia liburuez eta idatzizko bertsoez... [+]
Zuloan sartuta egotea ez duk txarrena –esan zion Manuk–, txarrena duk ez jakitea noiz aterako haizen, edo inoiz aterako haizen ere. Lander Garroren Gerra Txikia nobelan, non gerra bateko iheslarien gorabeherak azaltzen dituen, pertsonaien artean, Anna Frank dakarte... [+]
Gorka Setien Berakoetxea poemagile hernaniarra hil da otsailaren 4tik 5erako gauean. Bost liburu idatzi zituen, irrati libreetako ahotsa izan zen eta gozo entzuten eta zaintzen zekien. 2019an autoedizioan argitaratu zuen bere poema liburu berriena, Naufragoen altzoa.