"Mission Pays Basque": Gainerakoek gutaz barre egiteko aitzakia berria?

  • Sibylle, Parisko emakume bat, Euskal Herrira dator, burdindegi bat erosi eta han supermerkatua eraikitzeko asmoz. Burdindegiaren jabearen iloba Ramonek eta gainerako herritarrek, ordea, gauzak izugarri konplikatuko dizkiote. Horra Mission Pays Basque komedia frantziarraren sinopsia.


2017ko maiatzaren 12an - 11:31
Protagonista nagusia, barrerik egiten ez duten zinemazaleei lepoa mozteko prest.

Ludovic Bernard zuzendariaren filma uztailaren 12an estreinatuko dute zinema aretoetan. Filmaren afixan ageri dira (euren paperak asmatu egin ditugu): ostatu-giroan mugituko den artzain koadrila xelebre bat (burdindegiko jabea tartean), Sibylle, gauzak konplikatu, baina bihotza ere lapurtuko dion Ramon, gorbatadun hori ez dakigu zehazki nor den baina fijo pelikulako gaiztoa dela, beltzez doan emakumea ere auskalo (agian Ramon gustuko duen herritarren bat, ez oso zintzoa), eta guztia hankaz gora jarriko duen nerabe bikotea.

Ez, ez zarete Ocho apellidos vascos filmaz gogoratu zareten bakarrak. Nik ez du oraindik ikusi (eta ez dut uste sekula ikusiko dudanik), baina beldur gara parekotasun handiegia izango ez ote duten... Iker Tubiak txio honetan dioen bezala, "falta zena!".

Tira, filmak balio badu geure buruaz harro sentitu eta Ipar Euskal Herrira turista gehiago ekartzeko, ongietorria izan dadila! (*ironiaz). Filmaren argazki-galerian "Arraya hotela" ageri da, Saran dagoena. Beraz, badakigu eszena batzuk gutxienez bertan grabatu dituztela.


Kanal honetatik interesatuko zaizu: Zinema
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


2024-03-03 | Ula Iruretagoiena
Lurraldea eta arkitektura
Komunak

Otsaila da iaz ekoiztutako pelikula uzten sari banaketaren hilabetea. Zinemara joateko aitzakiarekin, arkitektura eta hiria oinarri dituen Wim Wenders-en Perfect Days ekarri nahi dut hizketaldira.

Pelikularen sinopsi zabalduan irakurri daiteke komun publikoetan garatzen dela... [+]


Hizkuntza gutxituen artean, euskara hirugarren erabiliena da Europako streaming plataformetan

Netflix, Amazon Prime eta Disney+en, Hizkuntza Gutxituen Europako Gutunak onartzen dituen bost hizkuntza baino ez dituzte erabiltzen. Bosten artean nagusi da, alde handiz, katalana. Ondoren datoz galiziera, euskara, luxenburgera eta Eskoziako gaelikoa. EHUko Nor Ikerketa Taldeak... [+]


2024-02-19 | Euskal Irratiak
Graxi Irigarai: «Merkatua oztopo bat da Euskal Zinema Iparraldean hedatzeko»

Hizkuntza gutxituak eta eta Frantziako zine-sistema hartu ditu ikergai Graxi Irigarai baigorriarrak bere tesian. Abenduan aurkeztu zuen bere ikerketa, eta ordutik hamaika mintzaldi eskaini ditu. Oro har, Euskal Zinemak Ipar Euskal Herrian dituen zailtasun eta oztopoak eman ditu... [+]


Eguneraketa berriak daude