Miren Peña 43 urteko antsoaindarrak bere buruaz beste egin du, Laboral Kutxak bere hipoteka birnegoziatzeko aukera ukatu dionean.
Peña "Bankuen eta erakundeen politika bidegabeen biktima bat" dela adierazi du hipotekak Kalteturiko Pertsonen Nafarroako Plataformak (PAH-Nafarroa),
Mikel Otazu, PAH-Nafarroako kideak SER irrati katean azaldu duenez, 2013an kaleratu zuten arte Mirenek Faurecia enpresak Orkoienen duen lantegian egin zuen lan. Langabezia laguntza agortu zitzaiola eta hipotekari aurre egin ezin ziola ikusita, PAH-Nafarroako kideengana jo zuen laguntza bila.
Otazuk adierazi duenez, plataformako abokatuek lagundurik Laboral Kutxara joan zen hipoteka birnegoziatzeko eskatzera. Laboral Kutxak, ordea, joan den ostiralean jakinarazi zion ez zegoela birnegoziatzeko prest. Larunbatean Peñak bere buruaz beste egin zuen.
Otazuren ustez Miren bankuen eta erakundeen politika “bidegabeen” biktima da: "Berak lan egin nahi zuen, baina bota zuten. Berak hipoteka ordaindu nahi zuen, baina ito dute. Hipoteka birnegoziatu izan balute, hilean 80 euro ordaintzea onartu izan baliote, aurrera eginen zuen, baina ez diote utzi".
"Lana eta etxebizitza denontzat" lelopean mobilizazioak deitu dituzte aste osorako. Astelehenean, 12:00etan kontzentrazioa Buztintxuriko Kutxa Laboralaren bulegoaren aurrean. Asteartean, 19:00etan Antsoaingo Udaletxeko Plazan elkarretaratzea. Asteazkenean, 10:00etan Orkoiengo Udalaren parean kontzentrazioa, barruan osoko bilkura egin bitartean eta 11:15ean Orkoiengo Faurecia enpresaren lantegiaren aurrean. Bukatzeko, larunbatean 18:00etan manifestazioa eginen dute Iruñean .
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.