Mikel Antza euskal presoa jipoitu dute Réauko kartzelan
Mikel Antza euskal preso donostiarra ingresatuta dago Réauko kartzelan beste preso batek “jipoitu” ostean. Ezkerreko besoko kubitua apurtuta eta betondoan zauria dituela jakinarazi dute gertukoek, Berriak jaso duenez.
Erasoa salatzeko pankarta jarri dute Donostiako Antigua auzoan (Arg: Berria)
Antza ETAko arduradun politikoetako moduan hartu izan dute eta 2004tik dago espetxean. Gaur egun EPPK-ko mintzakide taldeko kidea da. Idazlea ere bada, eta hainbat liburu baditu ere, azkena 2015ean argitaratu zuen Ametsak ere zain poesia liburua (Susa), kartzelatik idatzitakoa.