Xilabako azken final aitzinekoa irabazita, urtarrilaren 31n jokatuko den finalerako sailkapena eskuratu du Maddi Ane Txoperena bertsolariak. Finala Donibane Lohitzuneko Jai Alain izanen da.
Bardozeko Ezker paretan jokatu da 2025-26 Xilaba Bertsolari Txapelketako bigarren eta azken final aitzinekoa, ia 300 lagunen aitzinean. Bertsularien Lagunak Elkarteak antolatu du saioa, Bardozeko herriko etxea eta Bardozeko ikastolaren laguntzarekin. Ondorengo sei bertsolariak aritu dira kantuan:
Bertsolarien artean, Maddi Ane Txoperenak eskuratu du puntu gehien (562), eta, horrenbestez, urtarrilaren 31n Donibane Lohitzunen jokatuko den finalerako sailkatu da. Horrela gelditu da, zehazki, Bardozeko saioko sailkapena:
Gai emailea Ekhi Erremundegi Beloki izan da.
Epaile lanetan talde hau aritu da: Abel Zabala Elizazu, Maialen Berra Zubieta, Iban Thicoipe, Jon Garmendia Martinez "Txuriya", Lur Renteria eta Eneko Bidegain Aire.
Horrenbestez, argitu da sei finalisten zerrenda. Hauek izanen dira aurtengo finalean kantatuko duten bertsolariak:
Dagoeneko azken hitzordua baino ez da falta Xilaba Bertsolari Txapelketa bururatzeko. Hiru hilabete bertsoz bertso bidean ibili ondotik, urtarrilaren 31n iritsiko da Xilaba Donibane Lohitzuneko Jai Alaira.
Sartzeak www.bertsosarrerak.eus loturan eskura daitezke. Sartzeak ez badira aitzinetik bukatuak, egunean berean 16:00etatik aitzina aukera izanen da lekuan berean erosteko.