Lurrez ere eraso egin liezaioke Frantziak Siriari
Siriari lurrez eraso egiteari ateak zabaldu dizkio Frantziak. Frantziako Sirian prestatzen direla Frantziaren aurkako atentatuak eta “defentsa kolektiboan” esku hartuko dutela esan du Manuel Valls lehen ministroak Asanblada Nazionalean.
Herrialde desberdinen arteko koalizio bat egingo balitz, lurrezko erasoetan parte hartuko luke Frantziak.
Vallsek esanetan, Sirian “Estatu Islamikoaren buruzagiak” eta talde islamistaren “atzerriko errekrutazioa” kudeatzen da. “Sare sozialetako propaganda Sirian” antolatzen dela ere gaineratu du lehen ministroak.
AEBen, Erresuma Batuen eta Kanadaren militarrekin batera, Frantziako armadak Irak bonbardeatu izan du orain arte, baina “errefuxiatuen krisiak eta terrorismoak” Frantziaren estrategia aldatu dute, Vallsen esanetan.
Hollande: “Ez dugu lurreko interbentziorik egingo”
Irailaren 7an François Hollande Frantziako presidenteak Estatu Islamikoak Sirian dituen posizioen aurkako airezko erasoak hasiko zituela iragarri zuen.
Hollandek adierazi zuen ez zutela lur interbentziorik burutuko, erasoa ez bailitzateke “errealista eta kontsekuentea” izango.
Siriako gerra hasi zenetik 310.000 hildako izan dira, horietatik 100.000 zibil. Gatazkaren ondorioz ia 4 milioi lagunek herrialdea utzi behar izan dute.
Ongi doazen ikasleak talde batean, zailtasunak dituztenak, bestean; maila akademikoaren arabera banatuko dituzte ikasleak datozen ikasturtean, Frantziako Estatuan. Ikasleak sozialki eta akademikoki sailkatu eta bereiztea, desoreka areagotzea eta egoera okerragoan daudenak... [+]
Espetxe zigor arinak eskatu ditu Frantziako fiskaltzak Parisen epaitzen ari diren Jean Noel Txetx Etcheverry eta Beatrice Mollerentzat, ETAren helburuen arabera jardutea egotzita. Hala, zigor horiekin bakegileek ez lukete espetxera joan beharko. Maiatzaren 16an emango dute... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
Guillaume Kasbarian Etxebizitza ministroa eta Bruno Le Maire Ekonomia eta Finantza ministroa Baionan egonen dira ostiral honetan. Etxebizitza eskubidearen aldeko elkarretaratzera deitu du Herrian Bizi plataformak.
