Legez kontrako etxebizitza turistikoen aurrean "Donostiako Udalaren pasibitatea" salatu du EH Bilduk

  • Garak jakinarazi duenez, martxoaren 21ean Donostiako Udaleko teknikariek Legazpi kaleko Legazpi Doce ostatua bisitatu zuten. Bisitaren txostenean ondorioztatu zuten ostatuaren egoera irregularra eta legez kanpokoa zela. Donostiako Udal gobernuak ez du oraindik neurririk hartu. Donostiako EH Bilduk kasua salatu du.


2017ko maiatzaren 17an - 16:20
Argazkia: www.booking.com

Egindako ikerketan, teknikariak ohartu ziren eraikineko 3. eta 4. pisuak erabilera turistikorako eskaintzen dituztela, nahiz eta Donostian hori debekatuta izan —debekatuta dago 1. pisutik gora etxebizitza turistikorik eskaintzea—. Teknikariek bi pisuak “berehala” ixtea proposatu zuten “legez kontrakoak” direlako, baina egun funtzionamenduan jarraitzen dute.

Ez da irregulartasun bakarra: zenbait obra lizentziarik gabe egitea, larrialdiko bigarren sarrera bat edukitzearen beharra ez betetzea eta biltegi izateko sotoa jantoki bezala edukitzea, besteren artean.

EH Bilduren salaketa

EH Bilduk prentsaurrekoa egin du maiatzaren 17an egoera salatzeko, eta Legazpi Doce-ren kasua “paradigmatikoa” dela esan du. Prozesuak aurrera egin dezan lehen urratsa da Hirigintza zinegotziak txostena sinatzea. Hori galdetu diotenean, zinegotziaren erantzuna izan da ez duela txostenik sinatuko, koalizioak salatu duenez.

Udal Gobernuari exijitu diote araudia betearazi dezan.  Udala prestatzen ari den pisu turistikoei buruzko araudiaren inguruan adierazi dute zentzurik ez duela araudi berri bat egitea dagoena betearazten ez badu.


Kanal honetatik interesatuko zaizu: Turismo masiboa
25 lagunetara murriztuko dute turista taldeetako gehieneko pertsona kopurua Donostian

Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.


Lau donostiarretatik hiruk uste dute turismoak kalte “handia” egiten diela

Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.


Pisu turistikoak debekatu ditzakete bizilagunek, Espainiako Auzitegi Gorenak ebatzi duenez

Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.


Tasa turistikoa aplikatzeko lehen urratsak ematen ari da Jaurlaritza

Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.


Turistifikazioaren aurkako manifestazio jendetsua egin dute Donostian

Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.


Eguneraketa berriak daude