Suhiltzaileak, osasun zerbitzuak eta Ertzaintzaren Lehergailuen Unitatea bertaratu dira. Zaurituak gorputzaren %60 erreta dauka eta helikopteroz eraman dute Gurutzetako ospitalera (Barakaldo, Bizkaia) artatzera. Ezbeharra materialen prestakuntzarako prestatutako etxolan gertatu da. Lau langile ari ziren lanean, eta beste biak, jabeak eta administrazioaz arduratzen den langileak, ez dute kalterik izan. Ertzaintza ingurua miatzen aritu da, leherketaren nondik norakoak ikertzeko. Langilearen heriotza dela-eta, hiru eguneko dolua deitu dute enpresako buruek.

Koldo Salbidea, Lantaroneko alkatea, ezbeharraren lekura hurbildu da gertakarien berri izateko. EFE berri agentziari azaldu dio, instalazioak “egoera onean daudela”. Enpresak azaldu dio langileek “material piroteknikoarekin aritzeko trebakuntza eta tresna guztiak” dituztela. Alkateak segurtasun protokoloen eraginkortasuna azpimarratu du, leherketa gainerako lan-eremuetara zabaltzea ekiditea lortu baita.

Aurten Euskal Herrian gertatu den zazpigarren lan heriotza da.