Jaurlaritzak kargutik kenduko du itxiera perimetrala errespetatu ez duen LABIko kidea

  • Bilbotik Mungiara (bi udalerriak eremu gorrian) golf zelaira korri egitera joan zela onartu du LABIko kide eta Eusko Jaurlaritzako Osasun saileko kide Ibon Etxeberriak. Aire zabalean kirola egiteko herriz aldatzea debekatzen du LABIren azken aginduak, baina ez duela ezer okerrik egin dio Etxeberriak. Gotzone Sagardui Osasun sailburuak otsailaren 9an, Gobernu Kontseiluaren osteko prentsaurrekoan iragarri du kargutik kenduko dutela Etxeberria.


2021eko otsailaren 09an - 10:38

El Correok eman du argitara gertaturikoa.

Urtarrilaren 25eko EAErako azken aginduen arabera, aire zabalean kirola edo jardun fisikoa bakarrik egiteko ondoko herrira joatea ez dago baimenduta, ez bada kirol profesional edo erdi-profesionalen kasuan.

Hala ere, Etxeberriak dio ez duela ezer okerrik egin, eta horretarako argudiatu du Jaurlaritzaren Zuzenean zerbitzura deituz gero eta aire zabalean kirola egiteko eremu gorrian dagoen ondoko herrira joan ote gaitezkeen galdetuz gero, erantzuna baiezkoa dela, baina dokumentu ofizialetan ez dituztela oraindik irizpide horiek eguneratu.

Gotzone Sagardui Osasun sailburuak esan du herrien arteko joan-etorriak debekatzen dituen dekretuko "letra txikia" interpretatzeko orduan irizpide ezberdinak egon balitezke, testuaren erredakzioa berrikusi beharko dela. "Ez gaude ados [Etxeberriak] arauaz egin duen interpretazioarekin, eta, horregatik, kargutik kenduko dugu zuzendari hori".


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude