LABek euskaltegietako langileen baldintzak hobetzeko akordioa ez du nahikotzat jotzen
Eusko Jaurlaritzak herri ekimenetako euskaltegietara bideratzen duen dirulaguntza datozen lau ikasturteetan handituko duela adierazi zuen apirilaren 14an. Helburua irakasleen lan baldintzak hobetzea duen arren, LABen ustez "ez da nahiko langileak prekarietatetik irteteko" eta "hainbat gai arautu gabe" geratu direla adierazi du.
Apirilaren 14an Eusko Jaurlaritzak herri ekimeneko euskaltegietara 10 milioi euro gehiago bideratuko dituela jakinarazi zuen. HABE eta helduen euskalduntzeko euskaltegiekin egindako akordioak, irakasleen baldintzak hobetzea du helburu. Esaterako, soldata igoera eta lan ordu kopurua murriztea aurreikusten dira.
LAB sindikatuarentzat ordea, ohar baten bidez adierazi duenez, sinatutako akordioa ez da nahikoa. Langileen ordezkari legalei ez diete proposamena helarazi eta eztabaidatik kanpo geratu direla salatu dute. LABek HABErekin komunikazio kanal bat irekita izan duela adierazi dute, aspaldi eskatu baitzuten eztaibaidan parte hartzea langileen ordezkari moduan.
Helduen euskalduntzearen sektoreari finantzazioa hobetzea eta egonkortzea positibotzat jo dute, baina akordioak ez du kontuan hartzen sektorearen alde publikoa eta horrek pribatizazioa bultzatzen duela eta publiko eta pribatuaren arteko zatiketa sakontzen duela uste dute. Sindikatuarentzat soldaten eta lan orduen proposamenak aurrerapausu nabarmenak dira, baina neurri hauek aplikatzea euskaltegi bakoitzaren esku uzten dela adierazi du. Haien ustez hori ez da nahikoa langileentzat prekarietatetik irteteko.
Hori dela-eta, LABek sektorearen ereduaren inguruan eztabaidarako marko bat zabaltzea eskatu dio HABEri. Gainera, euskaltegi pribatuen titularrei patronal bat osatzeko eskatu die, datozen asteetan LABek helduen euskalduntzearen sektoreko mahai negoziatzailea deituko baitu.
Horrez gain, haien ustetan euskalduntzea eta alfabetatzea unibertsala, doakoa, publikoa eta kalitatezkoa izan behar duela azpimarratu dute.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.