ARGIA.eus

2022ko uztailaren 05a

Kronika Lampedusatik: zure begiekin ikustea oso desberdina da

  • Festa giroan ginen Lampedusako portuan eta bat batean Askabusako Giacomo arduradunak afrikarrez jositako ontzi bat zetorrela esan zuen. Lau kide ikustera abiatu ginen. 250 lagun afrikar ziren, hamabost emakume eta gainerakoak gizonak. Kostako Guardiak portu militarrean jaitsi zituen. Libiatik zetozen, nekatu aurpegiekin baina sendo. Identifikazio argazkiak egin, manta termikoa eman eta autobus batean igo zituzten Lampedusan dagoen atzerritarren internazio zentrora eramateko. Egoera benetan hunkigarria guretzat.

Libiako itsasontzia Lampedusako portuan (argazkia: Harresirik Gabeko Lurraldeak).
2016ko abuztuaren 30a

Behin afrikar jatorriko gizakiak hara iritsita, Frontex eta Gobernuz Kanpoko Erakundeen (GKE) eskuetan geratzen dira. GKE-ek hamar minutuko hitzaldi bat ematen diete, beraien egoeraren berri izateko. Atzerritarren internazio zentro honetan lan egiten duen langile anonimo batek esan digunez, momentu honetan, afrikarrak oso nekatuta iristen dira, ez dakite non dauden eta deskantsatzeko gogo handiak dituzte. Egoera horretan, Frontexeko poliziak modu atseginean afrikar lagunak identifikatzen saiatzen dira pare bat minutuz. Bi aukera ematen dizkiete, errefuxiatu ekonomikoa edota babesa behar duen errefuxiatua izatea. Poliziaren helburua gehienak errefuxiatu ekonomiko bezala sailkatzea izaten da, horrela, 72 ordu zentroan pasatuta, inongo eskubiderik ez duen gizaki bihurtuko da gure laguna. Antzerki itxurako identifikazio honen ostean, zentroko Miserikordiako arduradunek, poltsatxo bat ematen diete zenbait arropa eta higiene tresnarekin, eta ondoren zerbait jan eta ohera. Dena den, badaude gaixo datozen afrikar batzuk eta identifikatu ostean, zentroko medikuarengana joan eta haien beharraren arabera gela berezietan geratzen dira.

Siziliako edota Italiako beste zentro batzuetara bidaliko dituzte Lampedusatik irtetean. Egindako bidaia luzearen ostean ez dute amorerik emango ordea

Atzerritarren internazio zentrora sartzeko baimen berezia behar da, guk lortu ez duguna. Hala ere, haiek ikusteko grina handia zen eta zentroa gertutik ikusteko aukera bururatu zitzaigun. Bi menditxoen babespean dago eta gu mendi magal batera igo gara haiek ikusteko. Afrikarrak hitz egiten eta, zorionez, baloi batekin jolasten ikusi ditugu, pentsatzen genuena baino hobeto.

Haien errealitatea ordea bestelakoa izango da Lampedusatik irteterakoan. Siziliako edota Italiako beste zentro batzuetara bidaliko dituzte. Errefuxiatu-babesa lortu duten afrikarrak linbo legal batean geratuko dira eta zorte pixka batekin aurrera egiteko aukera izango dute Italian edo Europar Batasuneko edozein estatutan. Errefuxiatu ekonomikoak ordea, ilegalak izatera pasako dira eta zazpi egun emango dizkiete Italiatik alde egiteko. Egindako bidaia luzearen ostean ez dute amorerik emango eta borrokatzen jarraituko dute gehienek. Sistematik kanpo ateratzea erabakitzen dutenen bideak zailak eta arazoz beteak izango dira. Askotan estatuekin konbenientzian, mafiaren bitartez kontrolatuko dituzte. Arrazakeria eta esplotazio laborala hortxe izango dituzte itxaroten eta bereziki latza izango da adin txikikoen eta emakumeen kasua, hauek arrazakeria eta esplotazio laborala sufritzeaz gain, esplotazio sexualerako sareen eskuetan erortzen baitira kasu askotan.

Inpotentzia handia eta larritasuna sortu du edukitako ezagutza honek gure taldean, ez baita berdina  bidegabekeria hau berrietan ikustea edo lehen pertsonan.


Migrazioa kanaletik interesatuko zaizu...
2022-06-29 | ARGIA
NBEren esanetan, Melillako harresian gehiegizko indar erabilera egon zen eta ikertu behar da

Antonio Guterres NBEko idazkari nagusiak adierazi du “hunkituta” eta “triste” dagoela Melillako harresian migratzaileek jasotako biolentzia mailarekin eta hori onartezina dela. Nazioarteko erakundeak gertaerak ikertzera deitu ditu Espainia eta Maroco.


60tik gora migratzaile aurkitu dituzte kamioi baten barruan AEBetan, horietatik 46 hilik

Texasen (AEBak) aurkitu dute kamioia. Kamioitik zetozen oihuak entzuten zirelako ireki zituzten ateak eta hilotz piloa topatu zituzten barruan. Hiru gizon atxilotu dituzte gertakariarekin zerikusia dutelakoan. Susmoa dago biktimak beroagatik eta deshidratazioagatik hil direla.


2022-06-27 | ARGIA
Afrikako Batasunak ikerketa eskatu du Melillan hil diren 23 migratzaileei buruz

Melillako hesian gutxienez 23 pertsonaren heriotzak “berehala” ikertzeko eskatu dute. Moussa Faki Mahamat Afrikako Batasuneko presidentea “hunkituta eta kezkatuta” agertu da Afrikako migratzaileei ematen zaien indarkeriagatik eta tratu umilgarriagatik.


2022-06-27 | ARGIA
Haserrea eragin du Melillako sarraskiak

Melillako sarraskia estatuek bultzatzen duten "nekropolitikaren" ondorio dela salatu du hainbat kolektibok Bilbon eta Donostian egindako protestetan, eta polizia-indarren jarduna dela horren erakusgarri. 37 pertsona hil ziren ostiralean Maroko eta Espainaren arteko... [+]


2022-06-20 | Leire Artola Arin
Aita Mari ontziko migratzaileek gose greba hasi dute lehenbailehen porturatzea eskatzeko

Mediterraneo itsasoan erreskatatutako 112 lagun daude ontzian, eta ez diete portu seguru batean lehorreratzeko baimenik eman; batzuek sei egun daramatzate itsasontzian. Gose greba agintariei presio egiteko erabili nahi dute.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude