Emakumeak borrokan

Kronika Lampedusatik: zure begiekin ikustea oso desberdina da

  • Festa giroan ginen Lampedusako portuan eta bat batean Askabusako Giacomo arduradunak afrikarrez jositako ontzi bat zetorrela esan zuen. Lau kide ikustera abiatu ginen. 250 lagun afrikar ziren, hamabost emakume eta gainerakoak gizonak. Kostako Guardiak portu militarrean jaitsi zituen. Libiatik zetozen, nekatu aurpegiekin baina sendo. Identifikazio argazkiak egin, manta termikoa eman eta autobus batean igo zituzten Lampedusan dagoen atzerritarren internazio zentrora eramateko. Egoera benetan hunkigarria guretzat.

Joseba Maiza  |  Arkaitz Gartziandia Beltza
2016ko abuztuaren 30a
Libiako itsasontzia Lampedusako portuan (argazkia: Harresirik Gabeko Lurraldeak).

Behin afrikar jatorriko gizakiak hara iritsita, Frontex eta Gobernuz Kanpoko Erakundeen (GKE) eskuetan geratzen dira. GKE-ek hamar minutuko hitzaldi bat ematen diete, beraien egoeraren berri izateko. Atzerritarren internazio zentro honetan lan egiten duen langile anonimo batek esan digunez, momentu honetan, afrikarrak oso nekatuta iristen dira, ez dakite non dauden eta deskantsatzeko gogo handiak dituzte. Egoera horretan, Frontexeko poliziak modu atseginean afrikar lagunak identifikatzen saiatzen dira pare bat minutuz. Bi aukera ematen dizkiete, errefuxiatu ekonomikoa edota babesa behar duen errefuxiatua izatea. Poliziaren helburua gehienak errefuxiatu ekonomiko bezala sailkatzea izaten da, horrela, 72 ordu zentroan pasatuta, inongo eskubiderik ez duen gizaki bihurtuko da gure laguna. Antzerki itxurako identifikazio honen ostean, zentroko Miserikordiako arduradunek, poltsatxo bat ematen diete zenbait arropa eta higiene tresnarekin, eta ondoren zerbait jan eta ohera. Dena den, badaude gaixo datozen afrikar batzuk eta identifikatu ostean, zentroko medikuarengana joan eta haien beharraren arabera gela berezietan geratzen dira.

Siziliako edota Italiako beste zentro batzuetara bidaliko dituzte Lampedusatik irtetean. Egindako bidaia luzearen ostean ez dute amorerik emango ordea

Atzerritarren internazio zentrora sartzeko baimen berezia behar da, guk lortu ez duguna. Hala ere, haiek ikusteko grina handia zen eta zentroa gertutik ikusteko aukera bururatu zitzaigun. Bi menditxoen babespean dago eta gu mendi magal batera igo gara haiek ikusteko. Afrikarrak hitz egiten eta, zorionez, baloi batekin jolasten ikusi ditugu, pentsatzen genuena baino hobeto.

Haien errealitatea ordea bestelakoa izango da Lampedusatik irteterakoan. Siziliako edota Italiako beste zentro batzuetara bidaliko dituzte. Errefuxiatu-babesa lortu duten afrikarrak linbo legal batean geratuko dira eta zorte pixka batekin aurrera egiteko aukera izango dute Italian edo Europar Batasuneko edozein estatutan. Errefuxiatu ekonomikoak ordea, ilegalak izatera pasako dira eta zazpi egun emango dizkiete Italiatik alde egiteko. Egindako bidaia luzearen ostean ez dute amorerik emango eta borrokatzen jarraituko dute gehienek. Sistematik kanpo ateratzea erabakitzen dutenen bideak zailak eta arazoz beteak izango dira. Askotan estatuekin konbenientzian, mafiaren bitartez kontrolatuko dituzte. Arrazakeria eta esplotazio laborala hortxe izango dituzte itxaroten eta bereziki latza izango da adin txikikoen eta emakumeen kasua, hauek arrazakeria eta esplotazio laborala sufritzeaz gain, esplotazio sexualerako sareen eskuetan erortzen baitira kasu askotan.

Inpotentzia handia eta larritasuna sortu du edukitako ezagutza honek gure taldean, ez baita berdina  bidegabekeria hau berrietan ikustea edo lehen pertsonan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Migrazioa kanaletik interesatuko zaizu...
2019-04-07 | Axier Lopez | JR
Munduko harresirik hilgarriena

AEBek eta Mexikok 3.169 kilometro konpartitzen dituzte. 1994tik lur horien herena bost metroko garaiera duen hesi batek bereizten du. Azken 25 urteotan 10.000 lagun inguruk (heriotza horien kontaketa ofizialik ez da) galdu du bizitza muga eta hesi hori gainditu nahian, 2018an 260 pertsonak.


2019-04-07 | David Bou
IRITZIA
Lubakiko antifaxismoa

Ekaitza gogor ari da, jakinaren gainean geunden, gezurra litzateke besterik esatea. 2011 urte aldean, Greziara bizitzera joateko zoria izan nuen. Demokraziaren sehaskatzat joa den lurraldean bizi zen tragediaren alderantziz proportzionala zen nire zortea. Herrialdez aldatu nintzen eta Erasmus programaren Europako diru funtsari esker, formakuntza ikastaroak hartu nituen unibertsitatean, Troikak ezarritako zergen murrizketek itota zegoen estatu batean. Shockaren doktrina hain gordina eta latza... [+]


2019-04-04 | ARGIA
Migrazioa
Itzulketa ilegalak dokumentatzen jarraitzen du Irungo Harrera Sareak

EBko Justizi Auzitegiak eman duen epaiaren ondoren ere, adin txikikoen eta turisten itzulketa ilegalak dokumentatu dituela jakinarazi du Irungo Harrera Sareak.


Migratzaileen errealitatea, ikasleek oholtzaratua

Migratzaileen egoeraz eta Euskal Herriko jendarteak horien harreran duen rolaz gogoetatzen duen antzezlana eskainiko dute gaur Bernat Etxepare lizeoko hamar ikaslek. Benetako lekukotasunak ezagutu dituzte horretarako, Etorkinekin elkarteari esker.


2019-03-31 | Jabi Zabala
Amaia Izaola. Soziologoa
"Integratzeko erraztasun handiagoa dute emakumeek"

Bertokoen eta etorkinen arteko harremanak ikertu ditu Amaia Izaola (Getxo, 1957) EHUko soziologia irakasleak. 2013an, bere doktorego tesian, jatorriaren arabera etorkinak sailkatzeko sortzen ditugun eskemak aztertu zituen, baita etorkinek bertokoez dituzten irudi kolektiboak ere. Norabide biko begirada horien azterlana bildu zuen 2016an argitaratutako Miradas Cruzadas: La Construcción Social de la Otredad liburuan.


2019-03-28 | ARGIA
Migratzaileentzako panela sortu du Irungo Harrera Sareak, geldialdia non egin dezaketen erakusteko

Irungo tren geltokitik Martindozeneako harrera gunera nola joan adierazten duen panela jarri du Irungo Harrera Sareak. Irungo Udalbatzak onartutako neurria izan arren, udal gobernuak "behin eta berriz ezezkoa" eman duela-eta erabaki dute seinaleztapena euren kabuz jartzea.


Azpeitiako Elkar-ekin taldeak arrazakeriaren aurkako astea egin du
MULTIMEDIA - erreportajea

Bost urte daramatza lanean Elkar-ekinek Azpeitian eta aste honetan hainbat ekintza antolatu dituzte herrian arrazakeriaren aurkako nazioarteko eguna aitzaki hartuta. Horien artean, Hedoi Etxarteren hitzaldia, xenofobiaren aurkako elkarretaratzea eta Senegalgo Sanbaldi taldearen kontzertua, besteak beste.


2019-03-22 | Axier Lopez
Espetxe-zigorra eskumuturrekoak kalean saltzeagatik Donostian?

Moussa Sow kale saltzaileak (abizena ez dugu lortu) eta Joseba Alvarez militanteak martxoaren 26an epaitegietan deklaratu beharko dute Donostiako Udaltzaingoak haien kontra salaketa bana jarri duela eta. Jatorri senegaldarreko saltzaileari “udaltzainen aurkako erasoa” leporatu diote eta Alvarezi desobedientzia “udaltzainen jarduera oztopatzeagatik”.


Arrazakeria eta patriarkatua itotzeko besarkada estua Iru˝ean

Iruñea Harrera Hiria ekimenak deituta, ehunka lagunek egin zuten topo atzo Iruñeko Gazteluko Plazan emakume migratzaileen eskubideak defendatzeko.


Erri Barriuso, Open Arms erreskate-ontziko langilea
"Estatuek egin beharko luketen lana egiten dugu"

Urtarrilaren 8an blokeatu zuten Open Arms erreskate-ontzia Bartzelonako portuan. Adierazi dutenez, itsasoan egoera larrian dagoen jendea naufragoa da, eta derrigorrez jaso beharra dago; bestalde, emigrazioa argudio politikoa dela eta estatuek hala baliatzen dutela dio Proactiva Open Arms taldeak. Gobernuz Kanpoko Erakunde horrek 2015ean ekin zion jardunari, eta ordutik milaka pertsona erreskatatu ditu. Bertako langilea den Erri Barriusogaz egon gara.


Azkenak
EGILEAK
Eguneraketa berriak daude