Kroazia: Ospatzeko ezer ez duen herrialdea

  • Kolinda Grabar-Kitavoric lehendakariak Kroaziaren irudi modernoa saldu arren munduko futbol txapelketan, atzerapausoak ematen ari da herrialdea eskubide zibil eta sexualetan.


2018ko uztailaren 24an - 12:26
Kroaziako Lehendakaria munduko futbol txapelketan.

Munduko futbol txapelketan txapeldunorde gelditu delako, komunikabideetan presentzia izan du Kroaziak, Kolinda Grabar-Kitavoric lehendakaria ere irudi modernoa saltzen saiatu da. Aldiz, irudi moderno horren atzean, atzerapauso izugarriak ematen ari da herrialdea eskubide zibil eta sexualetan, Pikara Magazinen Patricia Simónek jakinarazi duenez.

Futbol txapelketa kanpaina egiteko tresna izan da abortuaren aurkako kolektiboentzat. Petra Karmelic ekintzaile feminista kroaziarrak azaldu duenez, txapelketan fetu baten irudia erabili dute borrokarako sinbolo gisa.

Alderdi kontserbadorea indarrean dagoenetik, herrialdean egoera larria bizi dutela dio Karmelicek. “Elizak ere indar politiko handia du eta abortuaren aurkako neurriak indarra hartuz doaz”.

Abortuarena ez da arazo bakarra

Arrazismoa eta islamofobiak ere gogor astintzen dute Kroazia ekintzaile feministak salatu duenez. “Alderdi politikoen programetan ere ikusi daiteke”.

Amnistia Internazionalak sarritan salatu du Kroaziako Gobernua etorkinekin duen jarreragatik. Serbiatik doazen mmigranteak erbesteratu egiten ditu, asilo eskubidea dutela aitortu gabe.

Europar Batasunak ere sarritan deitu dio arreta, emakumeen aurkako indarkeriaren eta homofobiaren aurkako neurririk ez hartzeagatik.


Kanal honetatik interesatuko zaizu: Abortu eskubidea
2024-03-12 | Euskal Irratiak
Jacqueline Idiart
"1970eko hamarkadan milioi bat emaztek abortatzen zuten Frantzian legez kanpo"

Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.


Frantziako Konstituzioak jasoko du "aborturako askatasuna bermatzea"

Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.


"Aborturako askatasuna" konstituzioan jasotzearen alde bozkatu du Frantziako Senatuak

267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.


Espainiako Gotzainen Batzarraren aurka Donostian agertutako kartelak ikertzeko eskatu dute Abokatu Kristauek

Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]


Elizaren pederastia kasuak salatzeko kartelak agertu dira Donostian

Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".


Eguneraketa berriak daude