Egoera etengabe ari da belzten Turkiako eta Greziako mugen artean: milaka dira bertan pilatutako errefuxiatuak, eta horien aurka indarkeria darabilte poliziek zein faxistek; dagoeneko bi dira hildakoak. Egoera salatzeko, asteazkenean elkarretaratzeak egingo dituzte Bilbon.
Otsailaren 27an Siriako Armadak hogeita hamarretik gora soldatu turkiar hil zituen Idliben, eta erasoaren ondotik Turkiak mugak zabaldu dizkie errefuxiatuei, Europari presio egin asmoz. Ordutik, egoera belztuz doa etengabe Turkia eta Grezia arteko mugan.
Milaka dira bi mugen artean harrapatuta dauden pertsonak, eta denborak aurrera egin ahala handituz doa Greziako ateetan dagoen errefuxiatu kopurua. Izan ere, Recep Tayyip Erdoganen gobernuak Turkiako mugak irekitzearekin batera, Kyriakos Mitsotakisen gobernuak bere herrialdekoak itxi zituen. Mugak ixteaz harago, muturreko neurri gehiago hartu ditu Greziako gobernuak: asilo eskaerak bertan behera utzi ditu hilabetez, eta deportazioak azkartzeko asmoa ere agertu du.
Egoera horretan, poliziaren eta errefuxiatuen arteko liskarrak geroz eta maizago ari dira ematen. Greziako Poliziak indarkeriaz oztopatzen die bidea beren herrialdera bidean doazen errefuxiatuei. Hainbat irudik jaso dute nola eraso egin dieten gas negar-eragileaz, baita haurrei ere:
Updates and scenes from the Greek-Turkish border and the Greek island Lesbos, where hundreds of refugees have been stranded after Turkey opened the border last week (thread below). pic.twitter.com/hqJ22bzS1N
— redfish (@redfishstream) March 2, 2020
Muturreko indarkeria ari dira erabiltzen errefuxiatuen aurka, hildakoak ere eraginez. Muga igarotzeko saiakeran ari zela Greziako Poliziak Mohammad al Arab hil zuen, 22 urteko gazte siriarra. Bestetik, Lesbos irlatik gertu ontzi bat irauli ondotik, adin txikiko bat itota hil da.
Astelehenean sarean hedatutako irudietan ikus daiteke nola egiten dioten bultza kostazainek errefuxiatuz betetako txalupa bati, bueltako bidea hartu dezaten; antzeman daitekeenez, makilaz ere jotzen dituzte ontzian doazenak. Irudiak jaso zituen Mark Stonek emandako informazioaren arabera, bultzada eta kolpeez gain, uretara tiro egin zuten kostazainek:
NEW: The Turkish authorities have sent us this video which they claim was filmed at 0726 this morning off Bodrum. It shows Greek coastguard carrying out ‘pushbacks’ of migrant dinghies. Shots are also fired into the water. More @SkyNews pic.twitter.com/GrlXGNIRTt
— Mark Stone (@Stone_SkyNews) March 2, 2020
Testuinguru bortitza are bortitzagoa bilakatu du faxisten jardunak. Lesbosera iristen diren errefuxiatuei bidea moztu eta eraso egiten diete eskuin muturreko jendeak. Irlako errepideetan kontrolak jarri dituzte, bertatik igarotzea oztopatuz. Hibai Arbide kazetariak bideo honetan jaso du heldu berri diren errefuxiatuei nola egiten dieten garrasi, Turkiara bueltatzeko oihukatuz:
Racistas gritando a refugiados que se vuelvan a Turquía. La inhumanidad. pic.twitter.com/ZiIYwxEtQF
— · Hibai Arbide Aza · (@Hibai_) March 1, 2020
Faxistek kazetari eta gobernuz kanpoko erakundeen aurka ere jarrera oldarkorra darabilte. Igandean, adibidez, ACNUR Nazio Batuen Erakundeko Errefuxiatuen Laguntzarako Agentziak Lesbosen errefuxiatuentzat duen zentroari su eman zioten:
UNHCR Stage 2 in the north of #Lesvos, that served as a first reception for refugees landing in the north is on fire. It was closed down in the last weeks. An hour before a mob gathered there to attack those on solidarity with #refugeesgr. Video posted here not mine. pic.twitter.com/uJqx87tsAC
— Franziska Grillmeier (@FranziEire) March 1, 2020
Igande berean, Euskal Herriko Zaporeak GKEko kideei ere egin zieten eraso.
Grezian, Turkian eta Balkanetan errefuxiatuek bizi duten egoeraren aurrean, mobilizazioak deitu ditu Bilbon Ongi Etorri Errefuxiatuak plataformak. “Europa erruduna” lelopean bi mobilizazio egingo dituzte martxoaren 4an, Turkiako kontsulatuaren parean bata eta Greziako kontsulatuaren aurrean bestea. Elkarretaratzeak 11:00etan eta 12:00etan izango dira, hurrenez hurren.
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]