Kiñu gaztetxeko epaiketa atzeratu dute, Guardetxearen aurkakoa sententziaren zain geratu da
Astearte goizean hasi dira Igorreko (Bizkaia) Kiñu eta Donostiako Urgulleko Guardetxea gaztetxeetako kideen aurkako epaiketak. Lehengoa negoziazioen ondorioz atzeratu egin da. Donostiakoa burutu da, eta Alde Zaharreko Gazte Asanbladak adierazi du "absoluzioa" espero dutela.
aurre egingo dieten hedabide independenteak
Guardetxeko auzipetuek eta eraikinaren jabe den Donostiako Udalak ez dute akordiorik sinatu, eta epaiaren zain geratu dira batzuk eta besteak. Saioaren ostean adierazpenak egin dituzte Alde Zaharreko Gazte Asanbladako bozeramaileek. “Argi geratu da ez dagoela auzipeturiko bi gazteak zigortzeko froga nahikorik. Hori dela eta, Fiskaltzak absoluzioa eskatu behar izan du”, azaldu dute. Hori dela auzipetuak errugabe jotzea espero dutela aiderazi dute. “Kasu horretan, ez litzateke kaleratze agindurik egongo”, gaineratu dute.
Bestelako bilakaera izan du Durangoko epaitegiko epaiketak. Hirurogei egunez bertan behera geratu da prozedura, eraikinaren jabeak, Sabadell bankuak, eta Kiñu gaztetxeko kideak, negoziatzen hasi direlako. Hala jakinarazi dute Kiñuko gaztetxeko kideek sare sozialen bitartez. Oharraren arabera, bi aldeak ados agertu dira epaiketa bertan behera uzteko, baina akordiorik iritsi ezean epai bidea berriro martxan jarriko litzateke.
