Kalera aterako dira Donostian LGTBIfobiaren aurkako nazioarteko egunean

  • LGTBIfobiaren aurkako nazioarteko eguna da maiatzaren 17a, 1990ean Munduko Osasun Erakundeak homosexualitatea gaixotasun mentalen zerrendatik kendu zuela gogorarazteko. Hori dela eta, EHGAM Euskal Herriko Gay-Les Askapen Mugimenduak elkarretaratzera deitu du ostiralerako; mobilizazioa Bulebarrean izango da, 19:30ean, LGTBIfobiarik gabe bizi nahi dugu! lelopean.

2019ko maiatzaren 17a
LGTBIQen Eskubideen Nazioarteko Egunean, ekainaren 28an, eginiko manifestazioa Donostian. (Argazkia: Irutxuloko Hitza)

“Homo-les-trans-fobia salatzeko elkarretaratzea antolatu dugu; oraindik zazpi herrialde baitaude (Mauritania, Sudan, Nigeria, Somalia, Iran, Arabia Saudi eta Yemen), homosexualitatea heriotzarekin zigortzen dutenak, eta 70 herrialde dira, bere kode penalean homosexualitatea penalizatua dutenak”, adierazi dute EHGAM-ekoek. Gainera, protestaren aurretik informazio-mahai bat jarriko dute Bulebarrean bertan.

Apostasia egiteko deia

EHGAMek deitutako mobilizazioa ez da LGTBIfobiaren aurkako nazioarteko egunaren harira hirian egingo den jarduera bakarra, izan ere, Parte Zaharreko Aurresku tabernan Apostafest jaia antolatu dute, herritarrak apostasia praktikan jartzera animatzeko. Jaiari hasiera emango diote 20:30ean, Parte Zaharreko Santa Maria elizatik abiatuko den “prozesioa”rekin. 21:00etan, “pikoteo girotua” egingo dute Aurresku tabernan, eta ondoren, 22:00etan, “meza nagusia”. 23:00etatik aurrera festa girotuko dute Sobria eta Serena DJek.

Antolatzaileek festan parte hartzeko deialdia egin dute, eta parte hartzaileei eskatu diete “jaunartzeko argazki politen bat” eramateko, eta mozorrotzera animatu dituzte. Honela definitu dute apostasia: “Kristautasunaren diktadurari uko egitea”. Apostasia egiteko “mila arrazoi” daudela argudiatu dute: “Eliza heteropatriarkala, faxista, matxista, lapurra, homo-lesbo-transfoboa, pederasta, espekulatzailea, eta abar luze bat da”.

Albiste hau Irutxuloko Hitzak plazaratu du. CC-BY-SA lizentziari esker ekarri dugu gurera.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: LGBTI  |  Donostia  |  Homofobia

LGBTI kanaletik interesatuko zaizu...
Azkenak
EGILEA
Eguneraketa berriak daude