Kalea Guztiona da: lehen muraletik urtebetera, hutsuneak betetzen jarraitzeko festa Zumaian

  • Orain urtebete inguru lehen murala margotu zuten Kalea Guztiona Da mugimenduko kideek Euskal Herri mailan famatu egin den Zumaiako Erribera kaleko horman. Ekitaldiz betetako festa eguna izan zen iazkoa eta aurten errepikatzeko asmoa erakutsi dute. Kolore guztiak debekuen kontra! izenarekin, Torreberri azpian egingo dute bigarren festa eguna larunbatean.

Artikulu hau CC BY-SA 3.0 lizentziari esker ekarri dugu.

2017ko ekainaren 08an - 16:34

“Kalean erakusteko moduko kultur diziplinak ekarri nahi genituen. Gaueko kontzertuak Gaztetxean egingo dira, baina beste guztia kalean izango da: pailazoak, ipuin kontalariak, bertso saio indartsu bat...”, diote larunbateko festa eguneko antolatzaileek. “Aprobetxatuko dugu Gaztetxe ondoan dauden hormetako mural batzuk konpontzeko. Muralista profesionalekin hitz egin dugu eta horiek margotuko dituzte. Hutsuneak dauden zenbait lekutan ere arituko dira beste margolari batzuk”, gaineratu dute.

Ekitaldi horiez guztiez gain, kamisetak ere salgai jarri dituzte. “Gorriti artistak logo antzerako bat egin digu kamisetetarako. Berak margotutako txoritxo bat erabiliko dugu”.

Berez, beraien asmoa aipatutako bertso saio hori Aita Mari aretoan egitea zen, baina, Udalaren ezezkoarekin egin zuten topo. “Abenduan egin genuen eskaera eta hilabete eta erdi geroago erantzun ziguten. Santelmoetan bertso saioa bazegoela eta ezezkoa eman ziguten. Guk Bertso Eskolarekin hitz egin genuen eta esan ziguten gero eta bertso saio gehiago izan, bertsolaritzarentzako hobe zela. Beraz, beste eskaera bat egin genuen eta ez dugu erantzunik jaso. Gauzak horrela, kalean egitea erabaki genuen eta horren inguruan beste hainbat ekitaldi antolatu ditugu”. 

Kalea Guztiona Da mugimendua 2016ko martxoan sortu zen,  Zumaiako Udalak herriko kaleetan pankartak eta kartelak jartzeko debekua iragarri eta hilabetera. Taldekideek positibotzak jo dute urte honetan egindako lana. “Debeku eta isun hauek jasotzen dituen ordenantza onartzeko asmoa zuen Udalak eta pentsatuko zuen di-da batean onartuko zutela. Onartu ez bada izango da, ziur aski, erantzuna jaso dutelako”.

Udala debeku horiekin “dena zaku berean sartzen ari dela” diote. “Ezin duzuna da bitartekaria satanizatu; edukia da aztertu behar dena. Ez da gauza bera irain bat edo datorren astean izango den kontzertu bat iragartzea. Gustatzen ez zaizkien mezuak isilarazi nahi dituzte edo, behintzat, kontrolatu. Ez da hainbeste zentsuratzea, kontrolatzea baino”.

Denbora honetan jasotako elkartasuna ere nabarmendu dute mugimenduko kideek. Hasiera hartan herriko 33 elkartek emandako babesa azpimarratu dute, baita sindikatu guztiena ere, “CCOOtik hasi eta LABera arte”. “Babes hau eztabaida pizteko garrantzitsua izan da, zalantzarik gabe, bestela ez ginateke hemen egongo. Guk jarraituko dugu eztabaida hau planteatzen ahal dugunera arte”.

Albiste hau Baleikek argitaratu du eta CC-by-sa lizentziari esker ekarri dugu ARGIAra.


Kanal honetatik interesatuko zaizu: Adierazpen askatasuna
Fermin Muguruzaren bisita batengatik “terrorismoa goratzea” leporatu diote Valentziako institutu bati

Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]


Pablo Gonzalez
Inongo frogarik erakutsi barik, bi urte espetxean Polonian

Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.


2024-02-01 | Gedar
Black Marfil abeslariaren kontrako zigorra berretsi dute: bi urte eta hilabete bat

Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.


2023-10-30 | ARGIA
Valtònyc rap kantaria Mallorcara itzuli da bost urtez erbestean egon ondoren

Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]


2023-07-17 | Ilargi Manzanares
Sutan dagoen Ertzaintzaren furgonetaren argazkia "iraingarria" dela dio Jaurlaritzak

Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]


Eguneraketa berriak daude