Euskal Herriko Eskubide Sozialen Karta idatzi duten eragileek deituta, manifestazioak egingo dira larunbatean (martxoaren 14an) Bilbon eta Iruñean, “Aldaketa soziala orain! Alternatibak baditugu” leloarekin.
Deitzaileek adierazi dutenez, mobilizazio horrek hasiera emango dio Kartaren jardun publikoari. “Hego Euskal Herriko erakundeei helarazi nahi diegu aldaketa sozialaren eskaria; gure Programa Sozialean oinarritutako konpromisoak har ditzaten eskatuko diegu”, adierazi dute.
Aurrez, erakundeekin buruz buruko bilerak egiten saiatu dira, baina haien harrera hotza izan dela salatu dute.
Programa Sozialak hamasei aldarrikapen ditu, hainbat eremuri dagozkionak: enplegua, generoa, politika fiskala, babes soziala, ingurumena, parte hartzea, kultura… Besteak beste, murrizketa politikari uko egin eta prestazio sozialak handitzea eskatzen dute, hala nola sektore publikoa indartzea, edozein arrazoirengatiko diskriminazioa ezabatzea, frackinga baztertu eta energia berriztagarriak sustatzea, Euskal Herri osoan euskararen ofizialtasuna ezartzea…
Aldarrikapen eremu bakoitza kolore baten bidez adieraziko da manifestazioetan. “Martxoaren 14ak horien guztien mosaikoa izan behar du; haien alde elkarlanean aritzeko borondatea agertuko dugu”, esan dute antolatzaileek.
Bilboko manifestazioa 17:00etan abiatuko da Bihotz Sakratuaren plazatik; Iruñekoa, berriz, 17:30ean Antoniutti parketik.
Su txikien itsasoa deituriko topaketak antolatu dituzte irailaren 30erako Ozaetan (Araba). Gizarte mugimenduko eragile guztiei luzatu diete gomita, "harremanak estutzeko", "sinergiak sortzeko" eta elkarren arteko "zoru komun eta erronken"... [+]
Irailaren 30ean Ozaetako GaraiON Sorgingunean "Su Txikien Itsasoa" ekimena burutko dute, konfluentzia espazio izan nahi duena. Eragile ezberdinen arteko aliantzen garrantzia nabarmendu dute.
Eskutitza osatzen duten erakundeek kontzentrazioa egin dute Nafarroako Parlamentuaren aurrean, Aurrekontu hauei ez! Pobretzearen aurrean, erreforma fiskala lelopean.
Euskal Herriko Eskubide Sozialen Kartak deituta, manifestazioak egin dituzte larunbatean Donostian, Bilbon, Iruñean eta Gasteizen. 15.000 lagun baino gehiago bildu dira, eta aberastasunaren banaketa, bizitza duinak eta prezioen kontrola exijitu diete Eusko Jaurlaritzari... [+]
Eskubide Sozialen Kartak deituta diru sarrera duinen aldeko ekimena egin dute Bilbon eta Iruñean. 1.400€ko gutxieneko soldatak eta 1.260€ko gutxieneko pentsioak exijitu dituzte. Adierazi dutenez, 2008an baino 103.000 herritar gehiago daude pobrezia egoeran... [+]