Elkarretaratze eta protestak egin dituzte Bilbon Javier Solanaren bisita salatzeko.
Javier Solanaren hitzaldia moztu dute hainbat pertsonak Bilboko Alhondigan. ‘Gerrarik ez’ kartelekin altxatu dira, NATOri ezetz esateko. Elkarretaratzea ere egin dute Bilboko Alhondigaren aurrean, Solanaren bisita salatzeko. Ecuador Etxea elkarteak argitaratu ditu protesten argazkiak:
Bilbao European Encounters nazioarteko biltzarraren barnean eman du Solanak hitzaldia, ‘Europa kosmopolita: erronka komunak demokratizatuz’ izenburupean. Azaroaren 8an izan da berbaldia, arratsaldeko 19:00etan Bilboko Azkuna Zentroan.
Bilboko Talde Antimilitaristak azaldu duenez, hiri eta zibilak bonbardatzen lagundu zuen Solanak, Nazio Batuen agintearen aurka, eta Genevako konbentzioari uko eginez. Horrez gain, Jugoslaviako gerretan paramilitarrak armatu zituela ere esan du, erailketa, prostituzio eta droga eta organo salerosketa kasuetan inplikatuak. Hori dela eta, Bilbon horrelako “hiltzailerik” nahi ez dutela adierazi du.
Ezohiko irudia ikusi zen Madrileko Moncloako jauregian martxoaren 18an: estatuko industria militarraren buru nagusiak Pedro Sánchez presidentearekin eta Margarita Robles Defentsa ministroarekin bilduta. Bertan ziren ere Hego Euskal Herriko enpresa militarretako buru... [+]
1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.
Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]
Yurii Sheliazhenko Ukrainako Mugimendu Bakezaleko Idazkari Exekutiboa da, eta abuztuaren 15az geroztik preso dute bere etxean. Asteazkenean egin zuten bere aurkako lehen epaiketa eta intsumisioaren aldeko Europako mugimendua bere askatasunaren aldeko kanpaina egiten ari da.